Ekitabo Erikwera 2008
|
| 1 |
| Ntakira Ruhanga n'eiraka rihango, ngu abone kumpurira. |
| 2 |
| Ku naabaire ndi omu kabi, naasherura Mukama; naaseesa ekiro nyimukize emikono, omutima gwangye gutarikwenda kuhuumurizibwa. |
| 3 |
| Naijuka Ruhanga kandi naatsinda; ku naamuteekateekire, omutima gwangye gwagwa enshazi. |
| 4 |
| Naaraara ntahumbize riisho, ntakiine gagamba ahabw'okushoberwa. |
| 5 |
| Nkateekateeka ebiro bya ira, naijuka emyaka eyaahingwire, |
| 6 |
| naaseesa ekiro omutima gwangye nigutonzya, ninteekateeka kandi niinyebuuza nti: |
| 7 |
| Mukama ku anaga omuntu, biri niyo heza? Ku areka kumugirira embabazi, kiba eky'obutwire bwona? |
| 8 |
| Rukundo ye etahararuka eba ehwereire kyarimwe? N'ebi yaaraganiise kugumaho biba bitakiriho? |
| 9 |
| Ruhanga ayebirwe kugira embabazi? Nainga ekiniga kye kimizire esaasi ye? |
| 10 |
| Ndugaho ngira nti: Eki nikyo kindeeteire kushoberwa; amaani ga Rukiraboona tigaakiba nk'okwago. |
| 11 |
| Ai Nyakubaho, ku nyijuka ebi waakozire n'eby'okutangaaza byawe bya ira, |
| 12 |
| naabiteekateekaho munonga, mmanya ku biri bikuru. |
| 13 |
| Ai Ruhanga, emitwarize yaawe k'ehikire! Ni ruhanga ki ori mukuru nkaiwe? |
| 14 |
| Niiwe Ruhanga owaakozire eby'okutangaaza, okareetera amahanga amaani gaawe, |
| 15 |
| obu waacungura abantu baawe n'omukono gwawe: nibo baijukuru ba Yakobo na Yosefu. |
| 16 |
| Ai Ruhanga, amaizi ku gaakureebire, gaakumanya, gaagaruka enyima okuhitsya obu gaatabangukiire okuzimu. |
| 17 |
| Eiguru ryahinda, ebicu byafukunkura enjura, emyambi y'emirabyo yaawe yaatoora oku n'oku. |
| 18 |
| Enkuba yaagamba, emirabyo yaawe yaamurika ensi yoona; ensi yaatetema, yaatengyeeta, |
| 19 |
| waacwekanisa enyanja; waayambuka amayanja, kwonka ahi waarabire tihaareebwa. |
| 20 |
| Abantu baawe waabafunya nk'obusyo, beebembeirwe Musa na Arooni. |
| Save Notes |
https://beblia.bible:81/BibleAudio/nyankole/psalms/077.mp3
150
77