Naawuni Kundi Kasi 2011
|
| 1 |
| Naawuni, zuliya shɛb’ kana ti kpe a tiŋgbɔŋ ni. Bɛ ta a jɛmbu du’ kasi la daɣiri, ka ŋme n-wurim Jɛrusalɛm. |
| 2 |
| Bɛ zaŋ a daba niŋgbuna ti juri bɛn yiɣiri zuɣusaa ŋɔ, ka zaŋ bɛn ʒe a yim niŋgbuna ti mɔɣu ni biŋkɔbiri bɛn be tiŋgban’ ni. |
| 3 |
| Bɛ yih’ a niriba ʒim Jɛrusalɛm, ka di doya zɔri kaman kom la, ka so kani ŋun ni sɔɣi ba. |
| 4 |
| Ti leela ti ʒiʒiinitab’ ni maani shɛb’ ansarisi, ka leei bɛn gili ti ni maani shɛb’ ansarisi ka lari ti. |
| 5 |
| Yawɛ, bɔ saha ka di kul yɛn be lala? A suhuyiɣisili kul yɛn beni la sahakam? A nyuli zabbu suhuyiɣisili maa yɛn dirimi kaman buɣim la? |
| 6 |
| Chɛ ka a suhu yiɣisi bahila zuliya shɛb’ bɛn bi mi a la mini nam shɛŋa din niriba bi jɛmd’ a la zuɣu. |
| 7 |
| Dama bɛ ku Yaakubu zuliya, ka wurim bɛ biɛhigu shee. |
| 8 |
| Di darigi ti tibili ti yaannim’ daalahichi zuɣu. Zom’ ti nambɔɣu yomyom; dama ti nya filiŋ pam. |
| 9 |
| Naawuni ŋun nyɛ ti tiliginsim ŋɔ, sɔŋmi ti a yuli jilima nyabu zuɣu. Fam’ ti bahi, ka chɛ ti daalahichi a yuli zuɣu. |
| 10 |
| Bɔzuɣu ka niriba ni ti bɔhi, “Ya ka bɛ Naawuni maa lee be?” Darigim’ ninvuɣ’ shɛb’ bɛn yih’ a daba ʒim maa tibili ka timaŋmaŋ’ nini nya. |
| 11 |
| Gbilisim’ a tibili wum sarikanim’ ŋuhibu, ka tiligi bɛ ni zali ni bɛ kum shɛb’ la a yiko din galisi pam la zuɣu. |
| 12 |
| Ti Duuma, bɔhim’ ti ʒiʒiinitab’ biɛri siɣimsiɣim buyopɔin zuɣu, ansarisi shɛŋa bɛ ni maan’ a la zuɣu. |
| 13 |
| Di saha ka tinim’ bɛn nyɛ a niriba ni a ni gul’ shɛb’ kaman piɛgul’ ŋɔ kul ni puhir’ a sahakam ka paɣir’ a ʒiɛmani kam puuni. |
| Save Notes |
https://beblia.bible:81/BibleAudio/dagbani/psalms/079.mp3
150
79