Adamawa 1994
|
| 1 |
| Yimre Asaf. Yaa Allah, heefeerɓe nasti lesdi maral ma, coɓni haykaliiru ma seniindu, ngartiri Urusaliima winnde. |
| 2 |
| Ɓe nyaamni colli e kuuje ladde ɓalli jagganiiɓe ma hoolaaɓe. |
| 3 |
| Ɓe ndufi ƴiiƴam yimɓe ma bana ndiyam, ɗam ili nder taarde Urusaliima fuu, walaa mo uwi ɓe. |
| 4 |
| Yimɓe ummaatooje taariiɓe min ɗon kuɗa min, ɗon njanca min, ɗon njawo min. |
| 5 |
| Yaa Jawmiraawo, ndey accata ɓernango min? Ndey ɓernuki kaajal ma accata wulugo bana yiite? |
| 6 |
| Ruf ɓernuki ma dow heefeerɓe ɓe anndaa ma, dow laamuuji ɗi ewnataako innde ma. |
| 7 |
| Kamɓe ɓe mbari yimɓe Yaakubu, ɓe mbili nokkuuje haa ɓe njooɗi. |
| 8 |
| Taa liman min aybeeji kaakiraaɓe amin! Ammaa hinna min jonta, ngam min toskaaɓe masin! |
| 9 |
| Wallu min, yaa Allah, Kisnoowo min, ngam daliila innde ma teddunde. Hisnu min, yaafa hakkeeji amin, ngam daliila innde ma. |
| 10 |
| Ngam taa heefeerɓe ƴama min: “Toy Allah mon kadi?” Accu min ngi'a no a waatorto ƴiiƴam jagganiiɓe ma caka heefeerɓe. |
| 11 |
| Uumaali haɓɓaaɓe njotto ma, bee baawɗe juŋngo ma hisnu mbareteeɓe. |
| 12 |
| Ummaatooje taariiɗe min kuɗi ma, yaa Jawmiraawo, warja ɓe ɗum cowi joweeɗiɗi. |
| 13 |
| Ammaa minin min yimɓe ma, tokkere ma, min ngettete haa foroy, min ngeynan maŋgtooje ma diga yidere haa yidere. |
| Hisnu Teskorɗe |
https://beblia.bible:81/BibleAudio/fulfuldeadamawa/psalms/079.mp3
150
79