|
| 1 |
|
| Aye Nyasae, abanto batakomanyeti bachire basoire ase omwando oo, barabwo bakorire Hekalu yao Enchenu yabeire eyetachenegeti, bakorire Yerusalemu obeire chitui chi’amagena. |
|
| 2 |
|
| Baeire chinyoni emebere y’abasomba bao chiyerie, ee, chinyama chi’emebere y’abachenu bao ase ching’iti chi’orosana. |
|
| 3 |
|
| Baiteire amanyinga abo buna amache ase chinsemo chionsi chia Yerusalemu, abakobatindeka baborire. |
|
| 4 |
|
| Intwe twabeire okogechia ase abanto bamenyete ang’e naintwe, abanto batoetanaine nigo bagotochecheria na gotosekerera. |
|
| 5 |
|
| Aye Omonene ngoika ririri oragenderere koba nendamwamu asetore? Inee! Ribero riao, ngoika ririri rigochia gwoka buna omorero? |
|
| 6 |
|
| Umora endamwamu yao igoro ase abanto b’ebisaku batakomanyeti, na igoro ase amagambi ayio atari gokorangeria oyakonye. |
|
| 7 |
|
| Naki abanto abwo basiririe abanto b’ororeria rwa Yakobo, naende basaririe aase bamenyete. |
|
| 8 |
|
| Tobaisa gotoa intwe egesusuro ase engencho y’ebibe bie chisokoro chiaito; otorotote namabera ao bwango, ekiagera twabeire bosa kegima. |
|
| 9 |
|
| Aye Nyasae ore ogotooreka gwaito, ase engencho y’obonene bw’erieta riao, tokonye; naende ase engencho y’erieta riao otoboorie, otwabere ebibe biaito! |
|
| 10 |
|
| Nase ki abanto b’ebisaku bakoboria, “Ng’ai Nyasae oyio obo are?” Ase amasio aito tiga abanto b’ebisaku bamanye buna okorusia egesiomba ase engencho y’ogoiterwa kw’amanyinga ’abasomba bao. |
|
| 11 |
|
| Tiga ekerero ki’abasibire geike ase obosio bwao; tooria abanto abwo banacheirwe ekina bakwe, ekiagera aye nobwate okobua okonene. |
|
| 12 |
|
| Aye Omonene, abanto abwo bamenyete ang’e bagochecheirie na kogochaya, obairanerie amabe ayio abo ara gatano na kabere. |
|
| 13 |
|
| Erio intwe, abanto bao, aba tore abe riicho ri’oborisia bwao, natokoiranerie ng’a mbuya mono kogenderera botambe, na ebiaare ase ebiaare natobe tokogotogia. |
|
|
|
|