Biblia Ande Chib Romani 2018
|
| 1 |
| ¡Ioi Devla! e llene kai ni pachan ande tu avile pe chi phuv, mukle ando lallao cho santo cher, mukle o Jerusalem sa ando phagipe. |
| 2 |
| Mukle te jan e chiriklia esnage katar che sluge, o mas katar che sluge saia o jape katar e zivirinie. |
| 3 |
| Lengo rat chudie le sargo pai ande sa o Jerusalem, ta inai ko te prajol len. |
| 4 |
| E llene kai zivin pasa amende maren amendar espurnia, asan peke amendar gola kai zivin truial amendar. |
| 5 |
| ¡Ioi Devla! ¿Gachin ios ka ave joliariko? ¿Sa o vreme ka phabol chi joli sargo e iag? |
| 6 |
| ¡Muk te perel chi joli pe forura kai ni pachan ande tu, kai ni pinllaren tut ta ni molinpe chuke! |
| 7 |
| Soke von jale e Jakobe ta phagle sa o foro. |
| 8 |
| Na cher te pochina amen o bilachipe amare puranengo, ¡te avel oma cho volipe amende, soke sam but chinie! |
| 9 |
| ¡Ioi Devla! amaro Braduimari, ¡pomozisar amen, kurtulisar amen ta prostisar amen, pala o baripe ta o volipe katar cho anav! |
| 10 |
| Gola kai ni pachan inai soke te phenen: ¿Kaitalo tumaro Del? ¡Muk amen te dikha sar pochinen o meripe katar che sluge! ¡Te sai llanenle i gola kai ni pachan! |
| 11 |
| Asun sar mangen tutar e phangle, ta braduisar che bare zoriaia golen kai chinade lenge o meripe. |
| 12 |
| ¡Ioi Devla! cher te pochinen efta droma gola kai zivin ande forura kai si pasa amende soke kusle tut, |
| 13 |
| a amen kai sam cho foro, ta sam bakre katar chi umal zeleni da tut fala suako llive, ¡ka llilaba ta ka blagosi cho anav ostade! |
| Save Notes |
https://beblia.bible:81/BibleAudio/romanibachro/psalms/079.mp3
150
79