×

現代台語譯本羅馬字版

詩篇 8

1
Siōng Chú — goán ê Chú ah, lí ê ui-giâm phó͘-ki̍p choân-tōe! Chheng-chàn lí ê siaⁿ thàu kàu thiⁿ-téng,
2
tùi gín-á kap eⁿ-á ê chhùi chhiùⁿ--chhut-lâi. Lí khí-chō iàu-sài hông-pī te̍k-jîn, beh siau-bia̍t tùi-te̍k, siau-tû oan-siû.
3
Khòaⁿ-tio̍h lí chhin-chhiú chhòng-chō ê thiⁿ, lí só͘ an-pâi ê ge̍h-niû, chhiⁿ-sîn,
4
ah, lâng sǹg sím-mi̍h, lí hiah-ni̍h koan-sim? Sè-kan-lâng sǹg sím-mi̍h, lí hiah-ni̍h chiàu-kò͘?
5
Lí hō͘ i pí thiⁿ-sài sió-khóa khah kē; lí sù êng-kng chun-kùi chòe hoa-koan kā i tì.
6
Lí chí-phài i koán-lí lí chhin-chhiú chhòng-chō ê bān-mi̍h; lí hō͘ i ū koân-pèng chi-phòe it-chhè:
7
It-chhè ê iûⁿ kap gû, soaⁿ-iá ê cháu-siù,
8
khong-tiong ê pe-chiáu, hái-iûⁿ ê hî-lūi kap oa̍h-mi̍h.
9
Siōng Chú — goán ê Chú ah, lí ê ui-giâm phó͘-ki̍p choân-tōe!
Chinese TTVR
The Bible Society in Taiwan
:
保存笔记