×

SEBR SÕNGO 1998

Yɩɩla 8

1
Yaa a Daviid yɩɩlle; yɩɩla naab yɩɩnd-a lame t'a wẽneg: Bugsuntunga biis yɩɩlle.
2
D Soaala-Wẽnnaam, y yʋʋra sãdame, a gilga tẽnga zãng fãa; la yĩngr dãmba fãa kilda y ziiri.
3
Kom-bõonego, kom-peelsa noore zoe n tara y pẽgre. Rẽ yaa lalg la b zẽk bɛɛba taoore, bɛɛb tɛk yaa b noor mudi la b vel b beem.
4
M sã n get saaga sẽn ya y nug tʋʋmde, m sã n get kiuuga la ãdsã y sẽn yagle
5
m nong n bãnga y sẽn tagsd to-to ne ninsaala n wa tẽegd a yell woto fãa.
6
Kellẽ-la bilf bal t'a yɩẽ wa malɛka y pids-a-la ne neerem la ziiri;
7
y kõ-a-la naam y naands a taaba zugu, a paama bũmb fãa n sooge.
8
Ad rũmsã, bɛd la bõonego, ad we-rũmsa menga, yẽ n so,
9
n le so yĩngr luiili la mogr zĩma, la bũmb ning fãa sẽn vɩ mogrẽ.
10
Soaala-Wẽnnaam, y yʋʋra la yʋ-sõngo dũni wã fãa pʋgẽ!
Mossi SSDC 1998
SEBR SÕNGO Alliance Biblique du Burkina Faso, 1998
:
Save Notes