Bukuit Ne Tilil 2020
|
| 1 |
| Otienji Kamuktaindet eng’ kutit ne o, inendet kimnatennyo: Otienji Kamuktaindetab Jakobo eng’ boiboiyet. |
| 2 |
| Otien tiendab kalosunet, ak obir sugutit ne ming’in, Ketubet ne tinyei cheet ne rurei, ak kibugandet. |
| 3 |
| Oguut iriaget ko kaleel arawet, Ye kagoeet arawet, eng’ betunnyo ne bo igorta ne o. |
| 4 |
| Amu ng’atutiet nito eng’ Israel, Kiruogetab Kamuktaindet ne bo Jakobo. |
| 5 |
| King’at nito koek baornatet eng’ Josep, Ye kingomanda eng’ emetab Misri: Ole kiagase kutit ne ma anai. |
| 6 |
| Kiaistoe tigikyennyi milet: Kigiistoe eunekyik kitongok: |
| 7 |
| Kiiguurse eng’ nyalilda, ak kiasorun; Ak kiawolun eng’ ole ung’at ne bo tulet; Kiatiemin eng’ ole mi beekab Meriba. |
| 8 |
| Ogas, okwek bikyuk, si abaorianwok: Ee Israel, ndechame iepcha it! |
| 9 |
| Amat kobiitunenen kanamwet ne too; Anan igutung’ji cheptalelit age tugul ne bo bororiosiek alak. |
| 10 |
| A Jehovah Kamuktaindeng’ung’, Ne kiamutun itogosu eng’ emetab Misri: Iseng’eng’e, si anyiit kuting’ung’. |
| 11 |
| Ago kima epchi it kutinnyu bikyuk; Ak kima ko magena kiy Israel. |
| 12 |
| Kiaunde anyun koba eng’ uuindab mugulelwekwak, Si kobendate kiruogutikwak. |
| 13 |
| Bwa, nda kiga epcha it bikyuk, Ee, nda kiga cham Israel kobendate ortinwekyuk! |
| 14 |
| Ta kasib aterterji bunikwak, Ak aluukyi eunnyu usikwak. |
| 15 |
| Yaegei koek che kase it icheget che wechei Jehovah: Ago kata teptoi betusiekwak koigeny. |
| 16 |
| Kata bae ichek nganok che neriotin kosiir: Ak kata abaenen kumiat ne bunu ruandet kot ibiye. |
| Save Notes |
https://beblia.bible:81/BibleAudio/kalenjin/psalms/081.mp3
150
81