Ziazia Kekeapai 1978
|
| 1 |
| Oni ngbiko fu Mbori nga gaani ome; oni tá ngbaroni ni ngbarago fu ga Yakoba Mbori! |
| 2 |
| Oni tóna bia tambuahe, ki ye na gaza, na wene nzenze na kindondo a. |
| 3 |
| Oni vúdi mbanya rago fogo diwi, na ho du diwi ni ni kpakpu bandima, rago gaani iiriwo pumbo. |
| 4 |
| Bambiko si du ni rugapai fu aYisaraere, nga gu sapangbanga nga ga ga Yakoba Mbori. |
| 5 |
| Ko aasia pa ha fu Yosefa ni dezirepai, ho ko akuru ni ku ringara Ezipeta yo. Mi anigi fugo boro ka mi aina nga ha ya: |
| 6 |
| “Mi arogo tindiro pagorõko; beko ki zeredi be zada abaga. |
| 7 |
| Mo akpari fere ti rago fudifudipai, mi ki batasi ro; mi anakaraga pai foro rogo ga gumba barondo su yo; mi aini ro tipa wisiga ro pati aime Meriba yo. |
| 8 |
| Ako gimi aboro, oni gí he, mi nayugo dezirepai fu roni! Ako Yisaraere, ka mo agia sangbare! |
| 9 |
| Ka kungba mbori dú nga be ro wa sa ya; ka mo írisi nga ga auro mbori a ya. |
| 10 |
| Mi nga Yekova nga ga Mbori, nakusi ro ringara Ezipeta yo. Mo zá ngbaro gbagaza, mi ahísa ha. |
| 11 |
| “Ono gimi aboro agia nga fugore te; aYisaraere aida nga na mi a te. |
| 12 |
| Si du mi aidi he ti ni fu yo i nipeke gu nyemuhe du kpotoyo yo, ka ta kina rogo sangbayo. |
| 13 |
| Ako ka gimi aboro agia sangbare, ka Yisaraere ata ngba gimi agene! |
| 14 |
| Si ka mi azoga avurayo ti ni ni ipo, ki nisa bere kuti agu yo nafuda yo. |
| 15 |
| Asogo Yekova ki niraki fu ko, ono gayo pai anye anye kindi. |
| 16 |
| Ka mi ariga ro na wene fufurũ zende ahe, na nzeme anyege mbia ka mi ambisa ro na ni.” |
| Save Notes |
https://beblia.bible:81/BibleAudio/zande/psalms/081.mp3
150
81