×

Ika Bible 2018

Ẹbụ-ọma 82

1
Chuku e werigụọ ọnọdị a imẹ ọgwa a, ịya a han eṅẹn imẹ igunrun mmọn ile.
2
Ọ sị wẹ: “Elee mgbe kẹ ụnụ a hanbehi eje-eṅẹn elee mgbe kẹ ụnụ e gbeyebehini ndị-njọ?!
3
E kinni ni ndị nwọnlẹni ihiẹn wẹ kpọ wẹ lẹ ndị nwọnlẹni nẹdi ọnụ wẹ; a tụnị nị ndị rị e ri ụya lẹ ndị-igbẹnnyẹ ụya.
4
Zụọpụha nị ndị nwọnlẹni eyemẹka lẹ ndị rị e ri ụya; zụọpụha nị wẹ ẹka ndị-ejẹ.
5
Ụnụ amarịn ihiẹn, ụnụ enwọn nghọta, ụnụ rị a wahunmẹ imẹ ishi, elu-ụwa e mẹ zizizi.
6
E kughọ m'a nị ‘Mmọn kẹ ụnụ wụ, ụnụ ile wụ ụmụ Chuku ahụn kachanrịnnị.’
7
Kanị, ụnụ k'a nwụn nwan kẹ ịhịan-mmaka; ụnụ k'a dan kẹ ndị-nze ndị ọzọ.”
8
Chuku dodo, d'a kịma ụwa, makẹni alị ile wụ nke i.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes