×

WẼNNAAM SEBRE 2014

Yɩɩla 82

1
A Azaf yɩɩlle. Wẽnnaam bee b nebã sʋka, la b bee wẽnnaam-dãmbã sʋk n yaa bʋ-kaooda.
2
Yãmb na n kaoo bʋʋdã kɛga, la y bʋ n sõng nin-wẽnsã tɩ ta dabʋre?
3
Kao-y ka-pãng soab ne kɩɩb bʋʋd tɩrga, la y kao nimbãan-ned ne naong soab bʋʋd tɩrga,
4
Sõng-y ka-pãng soabã ne naong soabã tɩ b põse, fãag-y-b nin-wẽns nugẽ.
5
Bãmb ka tar bãngre, b ka tar yam ye. Bãmb kẽnda lik bida pʋgẽ. La tẽn-gãongã yẽbgr fãa rigimdame.
6
Mam dag n yeelame: Yãmb yaa wẽnnaam-dãmbã, yãmb fãa yaa Sẽn-Ka-To kamba.
7
La baoosgo, yãmb me na n kii wa ninsaalbã, yãmb na n lʋɩɩ wa nanambs a taabã.
8
Mam Wẽnnaam, yik-y n kao-y dũniyã bʋʋdo! Bala, soolem-dãmbã fãa yaa yãmb n so.
Mossi MPBU 2014
Moore Bible Bible Society of Burkina Faso, 2014
:
Save Notes