×

ABIBILIA NGAKIRO NAAJOKAK 1999

Ngieosio 82

1
Epolokinit Akuj atuk a adis. Etubi ngakiro ani iriamito ngakujo.
2
“Tojongoto akitub ngakiro a erot alo nyeriyan! Tojongoto aikinit luaronok.
3
Tosubeta lukebootok ka lukokiok ngakiro na eriyan. Lu ichanasi ka lu ichiakiaritae, tosubete na etenooko.
4
Toyuutu lupalag lu emam kona ingarakinosi. Toyuutu anakan a ngitunga aluaronok.
5
“Nyiosok esi kori nyichwaaka! Iloose anaribu. Enyasun ngakiro a akwap daang.
6
Alimuni ayong atama, ‘Iraakasi esi ngakujo. Ikote esi daang talokookeng a Akuj ana Epol Noi.’
7
Tani ikoni neni, itoakete esi loger a ngitunga. Edaun akiyar kus loger a ekapolon a eche kadaang.”
8
Tonyou kare Akuj totub ngakiro a akwap. Kainyo eraakasi ngibukui daang ngikon!
Turkana Bible 1999
BIBLE SOCIETY OF KENYA (c) 1999
:
Save Notes