×

Naawuni Kundi Kasi 2011

Yila 83

1
Naawuni, di shini; Naawuni, di fo, a mi di kpalim ʒiya!
2
Hal pumpɔŋɔ, a dimnim’ taala duŋ; ka ninvuɣ’ shɛb’ bɛn je a gba mal’ a gadama.
3
Bɛ lɔrila nia biɛri zaŋ chaŋ a niriba polo; ka niŋdi tab’ saawara zaŋ chaŋ a ni guli a ninvuɣ’ shɛb’ la polo.
4
Bɛ yɛrimi, “Kamiyana ka ti ku n-naai bɛ zuliya maa. Di chɛliya ka so ti lan teei Izraɛlnim’ yuli yɛla yaha.”
5
Bɛ laɣimmi naai noli, ka lo nia biɛɣu jɛnd’ a.
6
Ɛdomnima mini Ishimail zuliya ni Mɔabnima ni Hagirinima ni
7
Gɛbalnima ni Ammɔnnima ni Amalɛknima ni Filistianima mini Taainima.
8
Ka Asirianim’ gba pahi bɛ zuɣu n-chɛ ka Lɔt zuliya nya yaa.
9
Niŋm’ ba kaman a ni daa niŋ Midiannim’ mini Sisɛra ni Jabin shɛm Kishɔn Mɔɣili ni la.
10
A daa ku ba Ɛndo, ka bɛ niŋgbuna dɔni tiŋgban’ ni ti pooi.
11
Niŋm’ bɛ zuɣulaannim’ kaman a ni daa niŋ Orɛb mini Ziib shɛm la; ka niŋ bɛ nanim’ kaman a ni daa niŋ Zɛba mini Zalimuna shɛm la.
12
Bɛna n-daa yɛli, “Chɛliya ka ti deei tiŋgbɔn shɛli din nyɛ Naawuni din’ la n-leei ti dini.”
13
N Naawuni, niŋm’ ba kaman pɔhimʒiɛpiliŋga taŋkpagbiligu la; ka niŋ ba kaman pɔhim n-ʒiɛri wurigu bahiri la.
14
Niŋmi ba kaman buɣim ni diri nyɔŋ shɛm la, bee kaman buɣim niɛm ni taari diri zoya zuɣu shɛm la,
15
chɛ ka a pɔhim biɛɣu doli ba lala, ka chɛ ka a sanʒiɛ’ titali kpɛhi ba dabiɛm!
16
Yawɛ, chɛ ka vi gbahi ba, ka sokam baŋ a yiko ni nyɛ shɛm.
17
Chɛ ka bɛ di vi, ka dabiɛm mali ba sahakam; ka chɛ ka bɛ kpi ni vi.
18
Chɛ ka bɛ baŋ ni a kɔŋko ŋun yuli nyɛ Yawɛ ŋɔ, n-nyɛ Zallakudura Naa ŋun su dunia ŋɔ zaa.
Dagbani Bible 2011
Red Letter Dagbani Bible Society of Ghana, 2011
:
Save Notes