|
| 1 |
|
| Asaf isquirbishan alabansa. Tayta Dios, ¡ama upällallaga cacuychu! ¡Mana cuyucuypa, mana rimacuypaga ama cacuychu! |
|
| 2 |
|
| Chiquishojcunata masqui ricay: imanöshi gayapaycäshunqui. Contrayquicunata masqui ricay: gaparpashpan imanöshi washayquita rimarcaycan. |
|
| 3 |
|
| Acrashayqui runacunata mana allita rurananpämi parlacurcaycan. |
|
| 4 |
|
| Paycunaga nircaycan: «¡Paycunata illgarachishun manana nasyun cananpaj! ¡Israelpa jutintaga pipis manana yarpänanpaj illgarachishun!» nir. |
|
| 5 |
|
| Llapanmi parlacusha gampa contrayqui. Juc shongullami parlacusha: |
|
| 6 |
|
| Edom runacuna, Ismaelcuna, Moab runacuna, Agar runacuna, |
|
| 7 |
|
| Gebalpita, Amonpita, Amalecpita mirajcuna, Filistea runacuna, Tirocho tiyajcunapis. |
|
| 8 |
|
| Asiriocunapis paycunamanmi guellicusha. Asiriocunaga Lotpita mirajcunata pillyäshejcunami. Selah |
|
| 9 |
|
| Paycunata wañurachiy Madián runacunata wañuchishayquino. Paycunataga ushariy Sisarata, Jabinta Cisón mayu läduncho wañuchishayquino. |
|
| 10 |
|
| Paycunataga illgächirayqui Endorchömi. Chauraga chullpamanna ticraran. |
|
| 11 |
|
| Mandajnincunatana wañuchiy Orebta, Zeebta wañuchishayquino. Llapan raycunatana wañuchiy Zebata, Zalmunata wañuchishayquino. |
|
| 12 |
|
| Paycunaga «Dios goycushan chacrata charicarcärishun» niran. |
|
| 13 |
|
| Tayta Diosnillä, camacaycachiy ari chaquisha öjata wayra apacushanno ricacunanpaj. |
|
| 14 |
|
| Imanömi muntita nina rupar ushacurcun, imanömi jircapa nina ichircur-ichircur aywan |
|
| 15 |
|
| chayno ricacunanpaj löcu tamyawan gaticachay, löcu wayrawan manchachiy. |
|
| 16 |
|
| ¡TAYTA DIOS paycunataga fiyupa pengacachiy gamman yäracamunanpaj! |
|
| 17 |
|
| Imaycamapis pengaycho cachun. ¡Chayno caycällarmi paycunaga wañongapis! |
|
| 18 |
|
| Llapan musyachun gam japallayqui TAYTA DIOS cashayquita. Tantiyacuchun gamlla janaj pachacho cay pachachöpis Tayta Dios cashayquita. |
|
|
|
|