×

Ika Bible 2018

Ẹbụ-ọma 84

1
Ụlọ ị a rịka mma, Osolobuẹ ihiẹn ile rị okpuru ẹ!
2
Ọ hụ a da m, a da m ọda-ọda, nị m banye ezi-ọgwa Osolobuẹ! Kẹ obi m kẹ ẹhụ m rị a bụnị Chuku rị ndụn ẹbụ ịghọghọ!
3
Nnụnụ a kụdẹ ẹkụ ebẹhụ: achụ a kụghọdẹ ẹkụ a mụye ụmụ ebẹhụ, ẹhụ ukpo nchụn-ẹjan ị, ịyụ, Osolobuẹ ihiẹn ile rị okpuru ẹ, Eze m lẹ Chuku m.
4
Ngọzi wụ nke ndị bi Ụlọ-nsọ ị, a ja ị mma ogẹn ile!
5
Ndị gi ikẹn i e bi e nwọnkẹ ngọzi, ndị hụn obi wẹ rị ụzọ Ụlọ ị ogẹn ile.
6
Wẹ ghakọnị Ọdanmgbugbu Baka, e mẹ wẹ ẹ wụrụ ebe isi-mirin jun; ngọzi wụ mirin ahụa e jun ẹ.
7
Wẹ k'a rị e nwọnwaye ikẹn, e we wẹ ru ihun Chuku imẹ Zayọnụ.
8
Dodo Osolobuẹ, Chuku ihiẹn ile rị okpuru ẹ, za m ekpere! Chuku Jekọpụ, dodo gọn m ntịn!
9
Chuku dodo, gi ẹnya rị mma lee akpaịn ẹnyi, eze ẹnyi; dodo lee onyẹ ahụn i te udẹn i tumẹ ẹnya ihun.
10
Akpọhịn ohu ezi-ọgwa ị ka mma karị akpọhịn nnụ-uku ebe ọzọ; iwuzo ọnụmụzọ Ụlọ Chuku m ka mma karị ibi ụlọ ndị wẹ nọ e mẹ eje-ihiẹn.
11
Makẹni, Osolobuẹ wụ Chuku ẹnyi wụ ẹnyanwụn lẹ akpaịn, ara gi ihiẹn ọwụlẹ rị mma jọ ndị obibi wẹ kụrụ ọtọ ẹfọ.
12
Osolobuẹ ihiẹn ile rị okpuru ẹ, ndị ile gi i dọn ẹnya e nwọnkẹ ngọzi!
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes