WẼNNAAM SEBRE 2014
|
| 1 |
| A Koore yagensã yɩɩlle, yɩɩlã naab yĩnga. |
| 2 |
| Saasẽ-Pãng-Soaba, zĩig ning yãmb sẽn be wã tara yamleoogo! |
| 3 |
| Sẽn-Ka-Saab roogã samand ratem tara maam, hal tɩ m sesdẽ tɩ m pãng sɛ. Mam sũurã ne m yĩngã kaasd n boonda Wẽnnaam sẽn vɩ wã. |
| 4 |
| Baa liuul mengã tara a gãag zĩiga, la sɩlaall me tara a tʋk n wekd kamba, yãmb a Sẽn-Ka-Saab sẽn yaa Saasẽ-Pãng-Soaba, n yaa mam dĩm la m Wẽnnaamã tẽn-kugr sɛɛgẽ! |
| 5 |
| Bark bee sẽn be-b yãmb doogẽ wã zutu! Bãmb na n pẽga yãmb n ka bas ye. |
| 6 |
| Bark bee neb nins pãng sẽn yit yãmb nengẽ wã zutu! Bãmb tagsg yaa tɩ kẽng yãmb sɛk zĩigẽ wã. |
| 7 |
| Bãmb sã n wa n pɩʋʋgd Baka longã, b kɩtdame t'a lebg ko-budum zĩiga, sigr saagã sikda a barkã a zugu. |
| 8 |
| Bãmb pãngã paasda wakat fãa, bãmb na n yalsa Wẽnnaam taoor Sɩyõ. |
| 9 |
| Saasẽ-Pãng-Soab a Wẽnnaam, wʋm-y mam pʋʋsgã! A Zakoob Wẽnnaam, kɩll-y y tʋbr n kelg-ma! |
| 10 |
| Wẽnnaam sẽn yaa tõnd gãongo, ges-y-yã! Bɩ y ges y nin-tũusdgã nenga! |
| 11 |
| Daar a ye yãmb samandẽ wã, n são rasem tusr zĩig a to. Mam yãka yam n na n pa mam Wẽnnaamã roog rigno-koakẽ, n yɩɩd m sẽn na n tɩ zĩnd nin-wẽns zakẽ. |
| 12 |
| Bala, Sẽn-Ka-Saab sẽn yaa Wẽnnaamã yaa tõnd wĩntoogo, la b yaa tõnd gãongo. Sẽn-Ka-Saab n kõt neb nins sẽn kẽnd ne burkĩndã bark ne ziiri, n ka mongd-b bõn-sõng ba a yembr ye. |
| 13 |
| Saasẽ-Pãng-Soaba, bark bee ned ning sẽn teeg yãmbã zugu! |
| Save Notes |
https://beblia.bible:81/BibleAudio/mossi2014/psalms/084.mp3
150
84