Mara Bible BSI 2023
|
| 1 |
| Hy Abeipa, na râh khokhei chi ta, Zakaw cha vânoh na patosa heih. |
| 2 |
| Na phopi paraona a ngiahthai chi ta, Ama moleina zydua na khu khai. |
| 3 |
| Na pathiiana zydua pachhâsa chi ta, Na hiehâhna ru ngaitapa nâ heihsai haw. |
| 4 |
| Hy eima pachhana Khazohpa, Miah paduapathi heih la, Eima chô liata na ruchhôna papai mah y! |
| 5 |
| Chhâzaw ta ma eima chô liata na hie a hâh aw? Chhâ zydua taihta ma na hie a hâh ngâ thlâh ha aw? |
| 6 |
| Na phopi he nâma liata â ly thei nawpa ta, Miah pahra heih aw va chi ma? |
| 7 |
| Hy Abeipa, na ngâchhihna miah pahmôsa la, Na pachhana miah pie mah y. |
| 8 |
| Zehôvâh Khazohpa ta bie a rei awpa cha ei nathlie aw; A phopi hnohta thlalôhna bie reih aw ta, A mopathaihpazy hnohta a reih aw; Âmo deikua cha hruna lâ a heih khao khah ei sy. |
| 9 |
| Eima râh liata rônahna a pahrâ thei nawpa ta, A pachhana ta ano a chituhpazy â vaw hnia. |
| 10 |
| Ngâchhihna nata biehmeiseihpa a tyh ei ta, Siana nata thlalôhna ta amâ pahnâ. |
| 11 |
| Biehmeiseihpa alei tawhta kaw pyuh ta, Siana ta avâ tawhta a za sai tyh. |
| 12 |
| Abeipa ta hmo phapa pie aw ta, Eima râh liata kôvei a pha aw. |
| 13 |
| Abeipa hmia lâta siana sie aw ta, A hniezy cha lâpi ta a tao aw. |
| Save Notes |
https://beblia.bible:81/BibleAudio/chinbsi/psalms/085.mp3
150
85