×

Adamawa 1994

Jabuura 85

1
Ngam kaliifaajo gime. Yimre nde ɓiɓɓe Koora.
2
Yaa Jawmiraawo, a mo'ani lesdi ma, a wartiri yimɓe Yaakubu diga jeyaaŋgu.
3
A yaafi aybeeji ummaatoore ma, a suddi hakkeeji maare fuu.
4
A acci ɓernango min, a ittani min ɓernuki ma caatuki.
5
Hooru min, yaa Allah, Kisnoowo min, accu ɓernango min.
6
Malla a tokkoto ɓernango min haa foroy na? Ɓernuki ma duuran diga yidere haa yidere na?
7
A yeeɗitintaa min haa yimɓe ma ceyoro ma na?
8
Woonan min, yaa Jawmiraawo! Hokku min kisndam ma!
9
Mi ɗon heɗito ko Allah Jawmiraawo wi'ata. O ɗon wolwana ummaatoore maako e hoolaaɓe maako haala salaaman, to ɓe puɗɗitaay faataare maɓɓe.
10
Fakat, o taaskake hisnugo hulɓe mo, haa tedduŋgal maako jooɗo nder lesdi men.
11
Mbooɗeeŋga e gooŋgaaku pottan, adilaaku e salaaman kawtan.
12
Gooŋgaaku fuɗan diga lesdi, adilaaku ɗon jimmito diga asama.
13
Jawmiraawo hokkan en hayru, lesdi men boo rimanan en ƴaamle.
14
Adilaaku ardoto Jawmiraawo, taaskitinan laawol ngol o tokkoto.
Fulfulde Bible Adamawa 1994
DEFTERE ALLAH Alliance Biblique du Cameroun, 1994
:
Hisnu Teskorɗe