×

Ika Bible 2018

Ẹbụ-ọma 85

1
Euu Osolobuẹ, y'e mẹkẹni alị ị ọhụnma mbụ; y'e mẹghọ n'ọ rịzịnị ụmụ Jekọpụ mma.
2
Y'a gbagharịghọ ndị nke i njọ, kpumẹchanrịn njọ ile wẹ mẹ.
3
Ị nọ bubehini wẹ olulu, latọ okẹn ọnụma i te gi sọn wẹ.
4
Dodo, mẹzi nwan n'ọ rịnị ẹnyi mma, Chuku hụn a zụọpụhanị ẹnyi; dodo, webehini ẹnyi iwe!
5
N'i wesọnmẹni ẹnyi iwe jẹnrin ejẹn? N'i gi iwe sọn ẹnyi gha agbọ ru agbọ?
6
Y'e hutọkọ obi mẹ ndụn banzị ẹnyi, kẹni ẹnyi ndị nke i gi ufiri i ghọghọma?
7
Dodo Osolobuẹ, ghọsịzị ẹnyi ihiẹn-ọsụsụọ kẹ ndị nke i, zụọpụhazị ẹnyi k'i dọn e mẹ.
8
M jẹnkọ d'e gọn ntịn, nị m nụ ihiẹn Chuku wụ Osolobuẹ k'e ku, makẹni o k'e ku ndụn ye ndị nke ẹ, ndị nsọ a, obi — ka wẹ ezuzumẹzilẹ.
9
Ẹghẹẹ, o biekọ d'a zụọ ndị e fen'ẹ, kẹni alị ẹnyi nwọnmẹzi ọghọ a.
10
Ihiẹn-ọsụsụọ lẹ ezioku e kunrun; Ezi-omumẹ lẹ Ọrịrịmma e dide.
11
Ihiẹn wẹ gi e dọn ẹnya e pumẹ alị; ihiẹn rị mma a gha elu-igwere bịa.
12
Ẹghẹẹ, Osolobuẹ k'e ye ẹnyi ihiẹn rị mma; alị ẹnyi e mẹmẹ ihiẹn-ugbo ọhụnma-ọhụnma.
13
Ọrụn-ọma a k'e burun'ẹ ụzọ, kwan'a ụzọ o k'a gha.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes