×

Biblia Ande Chib Romani 2018

Psalms 85

1
Devla, tu avilan lacho gale foroia kai si chiro, cherdan te irilpe o Jakob katar po phandipe.
2
Prostisardan o bilachipe katar cho foro ta sa e ezgode bilache kai cherde,
3
achadan sa chi joli, ta durilan katar cho silnope.
4
Devla, tu san amaro braduimari, ¡braduisar amen i akana ta phag e joli kai si chuke pe amende!
5
¿A so, ka ave joliariko ostade pe amende? ¿Chi joli ka avel pe viche iek pala aver?
6
¿Ni ka de amen zivoto pale te sai veselilpe cho foro cheres tu?
7
¡Ioi Devla! ¡Sikav amenge cho volipe, ta braduisar amen!
8
Ka asunav so ka phenel o Del o Gazda, soke ka del orba katar e pas pe foroke, golenge kai si chache lea, te na cheren pale o dilipe.
9
Chachimaia, o Del si but pase, te braduil golen kai blagosin le, leko baripe ka zivil ande amari phuv.
10
Maladile o volipe ta o chachipe, e pas ta so si orta chumidiepe,
11
o chachipe ka likel katar e phuv ta so si orta ka dikhel katar o miloso.
12
Isto o Del ka del amen o lachipe, ta amari phuv ka del petar pe septelie.
13
O chachipe ka llal angla le, ta ka lacharel leke o drom.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes