Naawuni Kundi Kasi 2011
|
| 1 |
| Yawɛ, gbilisim’ a tibili wum n suhigu, ka garigi ma, dama n nyɛla faralana ni nandana. |
| 2 |
| Gbibi n nyɛvili, dama n zaŋla mmaŋ’ zaa ti a; tiligim’ a dabili ŋun niŋ a naani ŋɔ. Nyini n-nyɛ n Naawuni. |
| 3 |
| N Duuma, zom’ ma nambɔɣu, dama nyini ka n kuhiri niŋda dabisi’ muni zaa. |
| 4 |
| N Duuma, chɛ ka mani a dabili ŋɔ mali suhupiɛlli; dama nyini ka n kul suhira. |
| 5 |
| N Duuma, a nyɛla Naawun’ suŋ, ka chɛri niriba taali, ka a yurilim maŋli galisi zaŋ chaŋ bɛnkam zaa suhir’ a sani. |
| 6 |
| Yawɛ, gbilisim’ tibili wum n suhigu; wummi n suhigu shɛli n ni suhir’ a ni a zo ma nambɔɣu ŋɔ. |
| 7 |
| N daa fabili niŋ a n wahala dabisili dali, ka a garigi ma. |
| 8 |
| Ti Duuma, wuna puuni, wun’ so kani m-be ka nyini, ka tuun’ shɛli mi kani ŋ-ŋman’ a tuma. |
| 9 |
| Ti Duuma, a ni nam zuliya shɛb’ la zaa ni kana ti gbani a tooni tibig’ a yuli. |
| 10 |
| Dama nyini n-galisi, ka tumd’ alahiziba tuma; a ko n-nyɛ Naawuni. |
| 11 |
| Yawɛ, wuhim’ ma a soli, ka n dol’ a yɛlimaŋli la; tim ma suhuyini, ka n tibigir’ a yuli. |
| 12 |
| N Duuma Naawuni, M paɣir’ a ni n suhu zaa, ka ni tibigir’ a yuli sahakam. |
| 13 |
| Dama a yurilim maŋli zaŋ chaŋ m polo galisiya pam; a yihi n shia kpiimba biɛhigu shee. |
| 14 |
| Naawuni, ninʒeensinim’ yiɣisi lu n zuɣu; ninkuunsinim’ laɣimya m-bɔri ni bɛ yihi n nyɛvili, bɛ nyɛla ninvuɣ’ shɛb’ bɛn bi lihi nya a. |
| 15 |
| Amaa n Duuma, a nyɛla Naawuni ŋun zɔri nambɔɣu ni ŋun niŋdi nirilim, a bi jɛri suli yom, ka a yurilim maŋli min’ a ʒiɛyimtali mi galisi pam. |
| 16 |
| Ŋmaligim’ m polo na n-zo ma nambɔɣu; zaŋm’ a kpiɔŋ ti a dabili ŋɔ, tiligim’ a dab’ bipuɣiŋga bia ŋɔ. |
| 17 |
| Wuhim’ ma a nirilim shihirili, ka lala chɛ ka bɛnkam je ma la nya li ka di vi; dama nyini Yawɛ pun sɔŋ ma ka maai n suhu. |
| Save Notes |
https://beblia.bible:81/BibleAudio/dagbani/psalms/086.mp3
150
86