Ekitabo Erikwera 2008
|
| 1 |
| Ai Nyakubaho, tega okutu, ongarukyemu, ahabw'okuba ndi omworo kandi omukyene. |
| 2 |
| Ondinde ntafa, ahabw'okuba ndi omushongore ahariiwe; njuna ahabw'okuba ndi omuheereza waawe orikukwesiga. |
| 3 |
| Ai Nyakubaho, niiwe Ruhanga wangye, ongirire embabazi, ahabw'okuba nkutakira eizooba ryona. |
| 4 |
| Ai Nyakubaho, reetera omuheereza waawe okushemererwa, ahabw'okuba niiwe ngambira ekindi aha mutima. |
| 5 |
| Ai Nyakubaho, oba murungi kandi osaasira, ogirira abakutakira rukundo etahararuka. |
| 6 |
| Ai Nyakubaho, hurira okushaba kwangye; otegye okutu ninkutakira, |
| 7 |
| Ku nkutakira ndi omu kabi, ogarukamu okushaba kwangye. |
| 8 |
| Ai Nyakubaho, tihariho ruhanga ondiijo oingana naiwe, kandi tihariho bikorwa ebingana n'ebyawe. |
| 9 |
| Ai Nyakubaho, abanyamahanga boona baryaija, bakuramye, bakuhimbise. |
| 10 |
| Ahabw'okuba, iwe Ruhanga, iwe wenka oba mukuru kandi okora eby'okutangaaza. |
| 11 |
| Ai Nyakubaho, onyegyese emitwarize yaawe mbone kugikuratira omu mazima; onkwatse, ngire omutima gumwe, mbone kukutiina. |
| 12 |
| Ai Mukama Ruhanga wangye, ninkusiima n'omutima gumwe, mbone kukutiina. |
| 13 |
| Ahabw'okungirira rukundo yaawe mpango etahararuka, okaanyiha okuzimu owa Nyamuteza. |
| 14 |
| Ai Ruhanaga, abanyamaryo baanyimukiriire; ekigombe ky'abainazi abatakwetaho nikimpiiga kuunyita. |
| 15 |
| Kwonka, iwe Mukama Ruhanga, ogira okusaasira kwingi n'embabazi, torahuka kuguubwa kubi, kandi ogira rukundo etahararuka, n'obwesigwa. |
| 16 |
| Ohindukye ondeebe, haza ongirire embabazi. Nyowe omuheereza waawe, omwana w'omuzaana waawe, ompe amaani gaawe n'okujuna kwawe. |
| 17 |
| Kandi onyorekye akamanyiso k'oburungi bwawe, reero, ai Nyakubaho, obwerabweze abarikuunyanga; bamanye ku ori omuhwezi kandi omuhuumuza wangye. |
| Save Notes |
https://beblia.bible:81/BibleAudio/nyankole/psalms/086.mp3
150
86