|
| 1 |
|
| اي خداوند! ڪن ڏيئي ٻڌ ۽ منهنجو عرض اگھاءِ، ڇاڪاڻ تہ آءٌ مسڪين ۽ محتاج آهيان. |
|
| 2 |
|
| تون منهنجيءَ جان جي حفاظت ڪر، ڇوجو آءٌ تنهنجو نيڪ بندو آهيان. تون پنهنجي هن ٻانهي کي بچاءِ، جنهن جي توڪل تو تي ئي آهي. |
|
| 3 |
|
| تون ئي منهنجو خدا آهين. اي ڌڻي! مون تي رحم ڪر، ڇوجو آءٌ سڄو ڏينهن تو کي پڪاريندو ٿو رهان. |
|
| 4 |
|
| اي پروردگار! پنهنجي هن ٻانهي کي خوشي عطا ڪر، آءٌ پنهنجي بچاءَ لاءِ التجائون تو آڏو ئي ٿو رکان. |
|
| 5 |
|
| هن ڪري جو اي منهنجا ڌڻي! تون ئي معاف ڪندڙ ۽ ڀلو آهين. جيڪي تو کي پڪارين ٿا تن تي تون دائمي شفقت ڪندڙ آهين. |
|
| 6 |
|
| اي خداوند! تون منهنجي دعا ٻڌ، تون منهنجيءَ منٿ تي پنهنجو ڪن ڏي. |
|
| 7 |
|
| آءٌ پنهنجي مصيبت جي ڏينهنِ ۾ تو کي پڪاريندو آهيان، ڇاڪاڻ تہ تون منهنجي پڪار ٻڌندو آهين. |
|
| 8 |
|
| اي منهنجا رب! معبودن ۾ ڪوبہ تو جهڙو نہ آهي، ۽ نہ وري تنهنجي ڪمن جهڙا ڪنهن ٻئي جا ڪم آهن. |
|
| 9 |
|
| اي ڌڻي! سڀيئي قومون جن کي تو ئي خلقيو آهي، سي اچي تو کي سجدو ڪنديون. اهي سڀيئي تنهنجي نالي جي واکاڻ ڪنديون. |
|
| 10 |
|
| بيشڪ تون عظيم آهين ۽ تنهنجا ڪم عجيب آهن، ڇاڪاڻ تہ رڳو تون ئي خدا آهين. |
|
| 11 |
|
| اي خداوند! مون کي پنهنجي راهہ ڏيکار تہ آءٌ ان تي وفاداريءَ سان هلان. مون کي اهڙي دل عطا ڪر جيڪا رڳو تو لاءِ وقف هجي، ۽ جيڪا تنهنجو ئي خوف ڪندي رهي. |
|
| 12 |
|
| اي خداوند! اي منهنجا خدا! آءٌ دل وَ جان سان تنهنجي واکاڻ ڪندس، ۽ تنهنجي نالي جي سدائين تعريف ڪندو رهندس. |
|
| 13 |
|
| مون تي تنهنجي ايڏي تہ دائمي شفقت آهي، جو تو مون کي موت جي منهن مان ڇڏايو آهي. |
|
| 14 |
|
| اي خدا! مغرور ماڻهو منهنجي خلاف اُٿي کڙا ٿيا آهن. ظالمن جو ٽولو منهنجيءَ جان جي پٺيان پيو آهي. اهي اهڙا آهن جو تنهنجو ڪو لحاظ نہ ٿا رکن. |
|
| 15 |
|
| جيئن تہ اي ڌڻي! تون رحيم ۽ ڪريم خدا آهين، تون دائمي شفقت ۽ وفا سان ڀرپور آهين، ۽ غصي ڪرڻ ۾ ڍرو آهين، |
|
| 16 |
|
| سو مون ڏانهن ڦِري مون تي رحم جي نگاهہ ڪر. پنهنجي هن ٻانهي کي پنهنجي طاقت عطا ڪر، ۽ پنهنجي ٻانهيءَ جي هن ٻار کي بچاءِ. |
|
| 17 |
|
| اي خداوند! تون مون کي پنهنجي ڪرم جي نشاني ڏيکار، تانتہ مون کان نفرت ڪرڻ وارا اهو ڏسي خوار خراب ٿين، هائو، جڏهن تون منهنجي مدد ڪندين ۽ مون کي آٿت ڏيندين. |
|
|
|
|