×

हिंदी बाइबिल

भजन संहिता 87

1
परमेस्सर यरूसलेम क पवित्तर पहाड़ियन पइ आपन मन्दिर बनाएस।
2
यहोवा इस्राएल मँ कउनो भी दूसर सहर स जियादा सिय्योन क दुआर क पसंद करत हीं।
3
हे परमेस्सर क नगर, तोहरे बारे मँ लोग अजूबा बातन कहत हीं।
4
मइँ सिय्योन ओन लोगन क सूची बनाउब जउन मोका जानत ह, एहमाँ ओन लोगन भी सामिल अहइँ जउन मिस्र, बाबुल, पलिस्ती, सोर अउ इथोपिया मँ भी रहत हीं।
5
उ हरेक जन क जउन सिय्योन मँ पइदा भएन जानत ह। सर्वोच्च परमेस्सर इ सहर क स्थापना किहेस ह।
6
यहोवा आपन रास्ट्रन क सूची राखत ह। उ जानत ह कि कउन सिय्योन मँ पइदा भवा ह। सेला
7
ओकर मनवइयन बहोत खुसी स गावत अउर नाचत हीं। उ पचे कहा करत हीं, “सबहिं उत्तिम चिजियन यरूसलेम स आइन।”
Awadhi Bible 2005
Easy-to-Read Version 2005 World Bible Translation Center
:
नोट्स सहेजें