×

Ika Bible 2018

Ẹbụ-ọma 87

1
Elu ugu nsọ kẹ Osolobuẹ tụnye obodo Zayọnụ;
2
ịya ka Osolobuẹ a sụọ karị ebe ile w'e bi imẹ alị Jekọpụ wụ Izrẹlụ.
3
Obodo Chuku, Chuku e kugụọ ihiẹn rịgbu enwẹn ẹ mma banyen'i!
4
Ọ sị, “M k'a kpọ ẹfan ndị ‘Rehabụ ’ lẹ ndị Babilọnụ imẹ ndị e feni m; nke ndị Filistia lẹ ndị Taya lẹ ndị Ẹtiopịa, m k'a sị, ‘Ọnwan wụ onyẹ Zayọnụ.’ ”
5
Wẹ k'e kusọnmẹ oku Zayọnụ, “Zayọnụ kẹ wẹ nọ mụ onyẹni; Zayọnụ kẹ wẹ nọzị mụ hụnnị.” Onyẹ Ahụn Kachanrịnnị k'e mẹ Zayọnụ turu.
6
Mgbe Osolobuẹ k'e gi rị e detu ẹfan alị ndị ọzọ, o k'e desọnmẹ, “Zayọnụ kẹ wẹ nọ mụ ọnwan; Zayọnụ kẹ wẹ nọzị mụ hụnnị.”
7
Kẹ ndị e tẹn egu kẹ ndị a bụ ẹbụ, wẹ ile sị, “Zayọnụ, ịyụ mụ ẹnyi ile!”
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes