Iu Mien Bible 2007
|
| 1 |
| Ziouv liepc nyei zingh yiem cing-nzengc mbong gu'nguaaic. |
| 2 |
| Ninh hnamv Si^on nyei zingh gaengh, gauh camv Yaakopv yiem nyei norm-norm dorngx. |
| 3 |
| O Tin-Hungh nyei zingh aac, mienh nuqv jienv gorngv meih njang-laangc nyei jauv. |
| 4 |
| Mangc maah! Yiem hiuv duqv yie nyei mienh yie lengc jeiv oix tih taux Laa^hapc caux Mbaa^mbi^lon. Fi^li^saa^die caux Tailaqv caux jienv E^ti^o^bie. Ninh mbuo gorngv, “Naaiv laanh mienh yiem Si^on cuotv seix.” |
| 5 |
| Ninh mbuo oix zorqv Si^on nyei jauv-louc daaih gorngv, “Naaiv laanh caux wuov laanh yiem naaic cuotv seix,” weic zuqc Yiem Hlang Jiex Wuov Dauh ganh oix liepc naaiv norm zingh. |
| 6 |
| Ziouv faaux maanc fingx nyei mienh hoz daan nyei ziangh hoc ninh fiev jienv, “Naaiv laanh yiem Si^on cuotv seix.” |
| 7 |
| Baaux nzung caux cangx heix nyei mienh oix gorngv, “Yie nyei yietc zungv wuom-zingv yiem meih gu'nyuoz.” |
| Save Notes |
https://beblia.bible:81/BibleAudio/iumien/psalms/087.mp3
150
87