Ika Bible 2018
|
| 1 |
| Dodo Osolobuẹ, Chuku hụn a zụọpụhanị m, m hụ a kwan, a kpọku i efinnaị ile, a bịazị ihun i uhinhin! |
| 2 |
| Dodo nị ekpere m ru i ntịn; mẹ ọhụnma gọn ntịn ẹkwan m! |
| 3 |
| Nsọngbu-nsọngbu kẹ m rị nwan a hụn; m rị nwan mgbọngbọn ili! |
| 4 |
| A gụngụọdẹ wẹ m ye ndị lakọ mmọn m nọ nwan kẹ onyẹ ndụn rịlẹni. |
| 5 |
| A lagụọ wẹ m tọ imẹ ndị nwụnnị, nọkẹ ndị wẹ gbu hụn rị nwan imẹ ili, ndị ị ghalẹni a nyanhanzị, ndị ị rịzịlẹni i eyeni ẹka! |
| 6 |
| Y'a tụgụọ m ye imẹ-imẹ ili, ebẹhụ migbu enwẹn ẹ, gba ishi! |
| 7 |
| Ị hụ e gi olulu a bịantu m, ọ hụ a kpọ m kẹ ẹbi-mirin. |
| 8 |
| Y'e mẹgụọ ndị ọwụ m jụ m, y'e mẹgụọ ize m zemẹ wẹ. M nọ nwan kẹ onyẹ wẹ gi, asakọzị m ẹka wanahịn! |
| 9 |
| Ẹnya e mẹ m bishi-bishi yeni afụnfụn m rị a ta. Dodo Osolobuẹ, ụhụọhịn ile kẹ m gi a kịshi ẹka elu, a rịọ ị! |
| 10 |
| Mgbe ịhịan nwụnhụngụ kẹ y'a rụnn'a nwan ọrụn-atụmẹnya? Ra ịhịan nwụnhụngụ n'ọ sazị ẹka lihi ja ị mma? |
| 11 |
| Nị wẹ nọ imẹ ili gbama ọhụnma ị? Ra wẹ k'a nọ alị ntikpọ wụ Abadọnụ ku ẹ nị ị wụ onyẹ wẹ gi e dọn ẹnya? |
| 12 |
| Nị wẹ nọ ebẹhụ gba-ishi hụn ọrụn atụmẹnya ị, ra wẹ k'a nọdẹ nwan alị ahụn wẹ nọ a zọchanrịn ihiẹn ile hụn a nị y'e mẹ ihiẹn furuni? |
| 13 |
| Mmẹ nwẹn rị a kpọku i, Osolobuẹ, a kpọku i ụtụntụn ile. |
| 14 |
| Euu Osolobuẹ, k'ị jụnị m nwan? K'i bupụnị m nwan ihun? |
| 15 |
| Gha okoro m lala, afụnfụn-afụnfụn kẹ m rị a ta, ọnwụn a kpọsọnmẹ m ihun; ndụn a gụ m i gi e rọn m egun. |
| 16 |
| Olulu i e rukpumẹgụọ m; y'e gigụọ ihiẹn-egun gbu m la iwi. |
| 17 |
| E fihunmẹ wẹ m nwan lekẹ okẹn-mirin uhinhin lẹ efinnaị, e fihunmẹgụọ wẹ m nwan azụụn ile. |
| 18 |
| Y'a napụgụọ m ndị ihiẹn m a sụọ lẹ ndị ọwụ m, ishi sụọ kẹ mmẹ lẹ ịya marịn nwan. |
| Save Notes |
https://beblia.bible:81/BibleAudio/ika/psalms/088.mp3
150
88