|
| 1 |
|
| M k'e gi ihiẹn-ọsụsụọ Osolobuẹ bụ ẹbụ jẹnrin ejẹn! M k'e gi ọnụ m gwa agbọ ile n'ị wụ onyẹ wẹ gi e dọn ẹnya! |
|
| 2 |
|
| E kugụọ m'a n'ị k'e nwọn ihiẹn-ọsụsụọ ndị nke i jẹnrin ejẹn, ị k'e mẹsọnmẹ hụn run'i jẹnrin ejẹn kẹ igwere dọn rịsọnmẹ ebe ọ rị. |
|
| 3 |
|
| Ịyụ sị, “E kwegụọ m onyẹ ahụn m họrị wụ Defidi nkwa, e kungụọnị m'a enwẹn m, sị, |
|
| 4 |
|
| ‘M k'e mẹ ụmụ ị gbọrị jẹnrin ejẹn; m k'e mẹ ukpo-eze i rị jẹnrin ejẹn.’ ” |
|
| 5 |
|
| Igwere lẹ ihiẹn ile rịn'a rị a ja ọrụn-atụmẹnya ị mma; ndị mmọn-ozi nsọ hụzịkwọ a ja ị mma imẹ ozuzu wẹ, n'ị wụ onyẹ wẹ gi e dọn ẹnya. |
|
| 6 |
|
| Onyẹ nọ kẹ Osolobuẹ imẹ igwere? E lee mmọn nọ kẹ Osolobuẹ?! |
|
| 7 |
|
| Chuku w'a tụ egun ẹ imẹ ozuzu ndị mmọn-ozi k'ọ wụ, ịya ka ndị ile nọhunmẹn'ẹ mgbaye e nwọn. |
|
| 8 |
|
| Osolobuẹ, Chuku ihiẹn ile rị okpuru ẹ, onyẹ wụ dikẹn lekẹ yụ, Osolobuẹ? Ọ pụhachanrịn ifọn azụụn ile n'ị wụ Onyẹ wẹ gi e dọn ẹnya. |
|
| 9 |
|
| Ohimin rị e bulini rị okpuru i; ọ kpọma ẹbiri, ịyụ wụ onyẹ a kụsịn'a. |
|
| 10 |
|
| Ịyụ tikpụkpọ Rehabụ, Onyẹ mpache, gbu ẹ; ịyụ gi ikẹn i hi-ogbe chụzịza ndị-iṅẹnrẹn i. |
|
| 11 |
|
| Igwere wụ nke i, elu-ụwa wụzịkwọ nke i; ịyụ ke ụwa lẹ ihiẹn ile rịn'a. |
|
| 12 |
|
| Ịyụ ke ẹbamịn ugu lẹ ẹbamịn-ndịdan; ugu Tabọ lẹ ugu Hẹmọnụ hụ e gi ẹfan ị e yi oro ịghọghọ. |
|
| 13 |
|
| Ẹka ị ze eze; ẹka ị ze eze, ẹka-nni i hụ a kpa ikẹn! |
|
| 14 |
|
| Imẹ ihiẹn rị mma lẹ imẹ ịhịan k'o furu wụ ikẹn ukpo-eze i; imẹ hụn run'i lẹ ịwụ onyẹ wẹ e gi dọn ẹnya a kwanị ị ụzọ. |
|
| 15 |
|
| Ndị ma yi oro hụ wẹ gi e fe i e nwọnkẹ ngọzi, yụ wụ Osolobuẹ e lepụ wẹ ẹnya! |
|
| 16 |
|
| W'e gi ẹfan ị a ghọghọ uhinhin lẹ efinnaị, e weshi isi elu a ghọghọ nị y'a rịka mma. |
|
| 17 |
|
| Makẹni yụ wụ ikẹn wẹ hụn hi-ogbe; ọhụnma y'e mẹni ẹnyi haịn ẹka ẹnyi gi a karị. |
|
| 18 |
|
| Makẹni, akpaịn ẹnyi, eze ẹnyi, wụ nke Osolobuẹ; ẹghẹẹ, eze ẹnyi gha ẹka Onyẹ-nsọ alị Izrẹlụ bịa. |
|
| 19 |
|
| Ya kẹ ị gwa ndị nke i imẹ ọhụn, sị, “E yegụọnị m odogun-agha ohu ẹka gbọrị; e bushigụọ m onyẹ ohu m họrị imẹ ndị alịnị elu. |
|
| 20 |
|
| A hụngụọ m odibo m wụ Defidi; e tegụọ m'a udẹn-nsọ m, tumẹ ẹ. |
|
| 21 |
|
| Ẹka m k'a rịsọnmẹ imẹ ndụn a; ẹka m k'e m'ẹ turu ọhụnma. |
|
| 22 |
|
| Onwọnni eṅẹnrẹn k'a karị a ẹka; onwọnni eje-ịhịan k'a bịangbun'ẹ. |
|
| 23 |
|
| M k'e gwerinriẹnn'ẹ ndị-iṅẹnrẹn ẹ; m k'e gbu ndị rị e we iwe ẹ. |
|
| 24 |
|
| M k'a gha e mẹn'ẹ ihiẹn m ku, ghọsịsọnmẹ ẹ ihiẹn-ọsụsụọ m; o k'e gi ẹfan m mẹrisọnmẹ agha. |
|
| 25 |
|
| M k'e mẹ ẹ kịrudẹ Ohimin, mẹ ẹ kịru Iyi ile. |
|
| 26 |
|
| O k'a kpọku m, sị m, ‘Ịyụ wụ Nẹdi m lẹ Chuku m, Ọmụma hụn a zụọpụhanị m.’ |
|
| 27 |
|
| M k'e yezikwọ a ọkwa okẹnnyẹ ibuzọ m, eze kachanrịn ndị-nze ile rị elu-ụwa. |
|
| 28 |
|
| M k'a ghọsị a ihiẹn-ọsụsụọ kẹ onyẹ nke m jẹnrin ejẹn, e mẹ m nkwa m kwe ẹ turu jẹnrin ejẹn. |
|
| 29 |
|
| Ụmụ a k'a rị jẹnrin ejẹn, ukpo-eze ẹ k'a tọ kẹ igwere. |
|
| 30 |
|
| Omẹni ụmụ a latọ Iwu m, omẹni egini wẹ iwu m bi — |
|
| 31 |
|
| omẹni a dan wẹ iwu m, omẹni emẹni wẹ ihiẹn m sị wẹ mẹ, |
|
| 32 |
|
| e gi m mkpịnsịn sọn wẹ lẹ njọ wẹ, a fịan m wẹ ihiẹn yeni njọ wẹ. |
|
| 33 |
|
| Kanị, aghọsibehikọ m Defidi ihiẹn-ọsụsụọ onyẹ-nke m; a gbakitọkọ m'a azụụn, makẹni m wụ onyẹ wẹ gi e dọn ẹnya. |
|
| 34 |
|
| Emẹbehikọ m nkwa m kwe, ekuhutọkọ m ọnụ. |
|
| 35 |
|
| E kungụọ m enwẹn m nke onyẹ rị nsọ nị onwọnni ogẹn m'e gi tụ Defidi ntụ. |
|
| 36 |
|
| Ụmụ a k'a rịsọnmẹ jẹnrin ejẹn; ukpo-eze ẹ k'a tọ kẹ ẹnyanwụn. |
|
| 37 |
|
| Ukpo-eze ẹ k'a rị jẹnrin ejẹn kẹ ifọn hụn wụ ọshẹri wẹ gi e dọn ẹnya rị igwere.” |
|
| 38 |
|
| Kanị y'a jụgụọ a nwan, y'a lagụọ a tọ; ị rị nwan e weni onyẹ i hukpu udẹn tumẹ iwe! |
|
| 39 |
|
| Y'a kagbugụọ nwan nkwa i kwe odibo i. Y'a tụgụọ okpu-eze rị a isi ye alị. |
|
| 40 |
|
| Y'e tikpọgụọ mgbọn ile wẹ tụnhunmẹ obodo ẹ, la ebe ile zeni ọ tụn tọ mkpọkọ-mkpọkọ. |
|
| 41 |
|
| Ndị ile rị a ghafeni hụ e gbu ẹ, a kwarị ihiẹn ẹ; ndị ile nọkunmẹn'ẹ rị nwan a mụ a ẹmụ. |
|
| 42 |
|
| Y'e mẹgụọ ẹka ndị-iṅẹnrẹn ẹ karị, y'e mẹgụọ ndị-iṅẹnrẹn ẹ ile ghọghọma nị e mẹri w'ẹ! |
|
| 43 |
|
| Y'e mẹgụọ ọpịa o gi jẹn agha wụrụ ihiẹn la iwi; y'a kwadọnzin'ẹ imẹ agha! |
|
| 44 |
|
| Y'e wepụgụọ ọghọ-eze ẹ o gi e gbuke, tụ ukpo-eze ẹ ye alị. |
|
| 45 |
|
| Y'e mẹgụọ a ka ẹgẹdi ikẹn, bu ifẹnrẹn fụma a lekẹ ẹkwa. |
|
| 46 |
|
| Dodo Osolobuẹ, elee mgbe k'i k'e zuemẹbehi enwẹn i?! N'ị nị olulu i dụnsọnmẹ kẹ ọkụn jẹnrin ejẹn?! |
|
| 47 |
|
| Nyanhan nị ẹkẹrẹ sụọ kẹ m k'a tọ! Kịnị kẹ ịhịan i ke eke wụdẹ nwan?! |
|
| 48 |
|
| Onyẹ wụ onyẹ ahụn jẹnkọlẹni d'a nwụn? Onyẹ k'a sa ẹka wanahịn ọnwụn lẹ ili? |
|
| 49 |
|
| Euu Osolobuẹ, elebe kẹ ihiẹn-ọsụsụọ i nwọnni ndị nke i rịzị nwan, hụn i kwe Defidi nkwa a kunn'ẹ enwẹn i, makẹni ị wụ onyẹ wẹ gi e dọn ẹnya? |
|
| 50 |
|
| Dodo Osolobuẹ, nyanhankwọ mkpari wẹ rị a kpari idibo i, mkpari m rị a narịn ẹka alị ndịnị ile bu ọda, |
|
| 51 |
|
| mkpari hụn ndị iṅẹnrẹn i rị a kpari i, Osolobuẹ; mkpari wẹ rị a kpari eze i hukpu udẹn i tumẹ ebe-lẹ-ebe o jẹnlẹ!! |
|
| 52 |
|
| Ịja-mma ya rịnị Osolobuẹ jẹnrin ejẹn! Isẹẹ! Isẹẹ!! |
|
|
|
|