|
| 1 |
|
| Ɣän bä dit kɛt kɛ kui̱ nho̱kä Kuɔth amäni cäŋ kɛl, ɣän bä gɔɔydu la̱t ri̱c diaal. |
|
| 2 |
|
| Kä nhökdu bɛ te thi̱n amäni cäŋ kɛl, kä gɔɔydu thilɛ mi wany jɛ ce̱tdɛ nikɛ pua̱a̱r. |
|
| 3 |
|
| Kä curi ruac i̱, “Cä mat ruac la̱t kɔnɛ raandä min cä mɛk, cä guk lat kɛ ja̱ŋdä ni Dee-bid i̱, |
|
| 4 |
|
| ‘Bä kuayku jak kä te thi̱n amäni cäŋ kɛl, kä bä kuääru jak kä te thi̱n rɛy ri̱cni diaal.’ ” |
|
| 5 |
|
| Ɛ pua̱a̱r liak lätku tin ga̱ykɛ naath lö Kuoth Nhial, kä gɔɔydu latkɛ jɛ rɛy dolädu min rɛl rɔ! |
|
| 6 |
|
| Kä ɛŋa nhial dëë pa̱a̱r kɛ Kuoth Nhial ɔ? Ɛŋa kä nɛy diaal tin te puɔ̱ɔ̱rä cäätkɛ Kuoth Nhial ɔ? |
|
| 7 |
|
| Ɛn Kuoth Nhial luɔ̱thkɛ ni jɛ, ɛ buɔ̱n nɛɛni tin gɔw, luɔ̱thkɛ ni jɛ ɛlɔ̱ŋ kä tin diaal tin te gekädɛ? |
|
| 8 |
|
| Kä lö Kuoth Nhial in la Ruey Ɣɔaa, ɛŋa mi bum ce̱tkɛ ji̱n Kuoth Nhial? Kä gɔɔydu tëë ni gekädu. |
|
| 9 |
|
| Ji̱n ruaaci bar mi di̱i̱t, kä la muaŋdɛ a jak kä bit. |
|
| 10 |
|
| Curi Ra-ɣab däk ce̱tkɛ ram mi ca näk, kä curi ji̱ tɛ̈ru riaw kɛ buɔ̱mdu. |
|
| 11 |
|
| Pua̱a̱r ɛ duŋdu amäni piny bä ɛ duŋdu, kä ci ɣɔw cak nikɛ tin diaal tin te thi̱n. |
|
| 12 |
|
| Kä curi cam ɣɔaa kɛnɛ cuec ɣɔaa cak, kä cu päm Ta-bor kɛnɛ päm Ɛr-mon ciötdu puany kɛ dit. |
|
| 13 |
|
| Ti̱i̱kɛ buɔ̱m mi di̱i̱t, tetdu bumɛ, ɛn tet cuëëcdu. |
|
| 14 |
|
| Kä kuääru ɛ kuäär cuŋni kɛnɛ thuɔ̱ɔ̱k, kä nhök kɛnɛ gɔɔy te ni kɛn nhiamdu. |
|
| 15 |
|
| Tɛ̈th lɔaac akɛ nɛy tin ŋa̱ckɛ ji̱, nɛy tin jäl rɛy buɔyä nhiamdu lö Kuoth Nhial, |
|
| 16 |
|
| tin liakɛ ciötdu ni̱ni diaal, tin liakɛ ji̱ kɛ kui̱ cuŋniku. |
|
| 17 |
|
| Ɛ ji̱n la wuɔ̱tda mɔ kä buɔ̱mda, kä kɛ nhökdu cikɔ moc kɛ buɔ̱m. |
|
| 18 |
|
| Kɛ thuɔ̱k bo̱o̱thda ɛ duŋ Kuɔth Nhial, kä kuäära ɛ duŋ Kuɔth I-thɛ-rɛl. |
|
| 19 |
|
| Mëëdan curi ruac kɛ nyuuthni kɛ nɛɛku curi kɛ jiök i̱, “Ɣän cä buɔ̱m ka̱m wääth köör, ɣän cua̱ ram kɛl mi ca mɛk rɛy nath ka̱m liak. |
|
| 20 |
|
| Ɣän cä ja̱ŋdä ni Dee-bid jek, kä cua̱ jɛ yi̱r kɛ liɛɛthdä min rɛl rɔ, |
|
| 21 |
|
| bi buɔ̱mdä te kɛɛl kɛ jɛ ni ciaŋ, kä bä jɛ moc buɔ̱m kɛ lua̱ŋdä. |
|
| 22 |
|
| /Ci ji̱ tɛ̈rɛ jɛ bi luäŋ kɛ puɔ̱t, kä /ci ji̱ nyuɔɔni jɛ bi ciɛŋ a jiäk. |
|
| 23 |
|
| Ɣän bä ji̱ tɛ̈rɛ dup nhiamdɛ kä bä nɛy tin lökɛ jɛ to̱l kä piny. |
|
| 24 |
|
| Kä bi nhökdä kɛnɛ gɔɔydä te kɛɛl kɛ jɛ, kä kɛ kui̱ cio̱tdä ba buɔ̱mdɛ liak. |
|
| 25 |
|
| Ɣän bä kuäärɛ jak kä räth ɛ känɛ jɛ ni yieer a wä ni kiir. |
|
| 26 |
|
| Kä bɛ ɣä cɔl wëë i̱, ‘Ɛ ji̱n gua̱a̱r, kä Kuothdä, kä Päm känädä.’ |
|
| 27 |
|
| Ɣän bä jɛ cu jak kä kɛ̱̈ɛ̱̈, kä bi di̱t ni jɛn kä kua̱r wec muɔ̱ɔ̱n. |
|
| 28 |
|
| Kä bä nhökdä min thil pek tit, kɛ kui̱dɛ amäni cäŋ kɛl, kä bi mat ruacdä tekɛ jɛ thilɛ mi bi jɛ wany. |
|
| 29 |
|
| Kä bä kuaykɛ jak kä te wan ɔ amäni cäŋ kɛl, kä bi kuäärɛ te thi̱n ce̱tnikɛ pua̱a̱r. |
|
| 30 |
|
| Kä mi wä gaatkɛ ŋuɔ̱tkä wä pa̱l ruëëc, ɛ /ca bi guɔ̱ɔ̱r ni luëëkä, |
|
| 31 |
|
| mi ca ciɛŋkä päl, kä /ci kɛn luëëkä tit. |
|
| 32 |
|
| Ɣän bä kɛ duäc kɛ kɛɛt kɛ kui̱ dueerikiɛn, kä bä duäc kɛ waat kɛ kui̱ jiäkiɛn. |
|
| 33 |
|
| Duundɛ ɣöö /cä nhökdä bi woc kä kɛ, kä /cä ŋa̱thdä bi päl. |
|
| 34 |
|
| Kä ɣän /cä mat ruacdä bi päl, kiɛ bä ri̱et in cä lar päl. |
|
| 35 |
|
| Ɣän cä rɔ yac nikɛ ciötdä min rɛl rɔ, ɣän /cä Dee-bid bi ka̱c kac. |
|
| 36 |
|
| Bi kuaykɛ te thi̱n amäni cäŋ kɛl, kä bi kuäärɛ te wa̱nɛ ce̱tnikɛ cäŋ nhiamdä. |
|
| 37 |
|
| Bɛ te thi̱n ala do̱raar ce̱tnikɛ pay, ɛn neen puɔ̱ɔ̱rä min thuɔ̱k.” |
|
| 38 |
|
| Kä täämɛ ci kuäär in ci kuany lo̱k kä ci jɛ yiäk, kä ci gaak kɛ jɛ ɛn ram in ci mɛk. |
|
| 39 |
|
| Kä ci mat ruac jay kɛ ja̱ŋdu, kä ci kum kuäärädɛ yuɔr ni rɛy tupä. |
|
| 40 |
|
| Kä ci pa̱nynikɛ diaal däk, kä ci wi̱i̱kɛ tin buɔ̱m buɔ̱ɔ̱m riɔ̱r. |
|
| 41 |
|
| Kä nɛy diaal tin ret kɛ kutdɛ la mackɛ jɛ, kä cɛ cua̱ cäät kä ji̱ thieekädɛ. |
|
| 42 |
|
| Kä ci ji̱ tɛ̈rɛ moc kɛ buɔ̱m, ci ji̱ gaakdɛ diaal jak kä tɛth lo̱ckiɛn. |
|
| 43 |
|
| Ci mutdɛ cu jak kä thil luɔt, kä /keni jɛ luäk ko̱o̱r. |
|
| 44 |
|
| Kä ci kɛɛt kuäärä woc tetkädɛ, kä ci kɔm kuäärädɛ yuɔr piny. |
|
| 45 |
|
| Kä ci ni̱n ŋuɛɛtädɛ jak kä ciɛk, kä ci jɛ kum kɛ pöc. |
|
| 46 |
|
| Ɛ biku mäni nɛy lö Kuoth Nhial, bi rɔ tɛ̱̈ɛ̱̈ amäni cäŋ kɛl ɔ? Kä bi mäni nɛy bi ŋɛ̈ɛ̈nydu dɔap ce̱tkɛ mac ɔ? |
|
| 47 |
|
| Kä timɛ lö Kuoth Nhial, ɛn ɣöö ciɛk tëkdä, ŋäcni jɛ ɛn ɣöö ci nɛy diaal cak ɛla naath! |
|
| 48 |
|
| Tëë kɛ ram mi dëë tëk a /cɛ bi li̱w? Kä ɛŋa dëë tëkdɛ gaŋɔ kä buɔ̱m li̱eth? |
|
| 49 |
|
| Kuäär, kä nhökdu mëë wal ëë thil pek, mëë ci la̱r Dee-bid kɛ gɔɔydu a nikä? |
|
| 50 |
|
| Carɛ Kuäär ɛn ɣöö ca ja̱ŋdu dɔl, ɣän ruɔ̱ɔ̱tdä kuethni dööri kɛ lɔcdä, |
|
| 51 |
|
| kuethni tin kuëthkɛ ni ɣä ɛ ji̱ tɛ̈ru lö Kuoth Nhial, tin dɔalkɛ lät randu diaal in ci mɛk. |
|
| 52 |
|
| Ɛ liak wä kä Kuoth Nhial amäni cäŋ kɛl! Inɔnɔ. |
|
|
|
|