|
| 1 |
|
| Hy Abeipa, ei pathipalôh tlokhuh ta cha reithai aw na ta, Na hmotao noâhpa zydua ei phuah aw. |
|
| 2 |
|
| Nâma liata thaphapa ta a ly aw na ta, Hy Chônôchaipa, na moh reithaina hla ei sa aw. |
|
| 3 |
|
| Ei chariahpazy ama kua nahta, Na mohmô liata a chapia ei ta ama leidia tyh. |
|
| 4 |
|
| Ei dona nata ei bie nâ duakheipa ta, Beidyuchhai liata a tyuh chi ta, Pachiana dopa ta na pachia tyh. |
|
| 5 |
|
| Phopizy ra chi ta, Hmoparaopazy pahleipadiapa ta, Ama moh chhâzaw nata tlyzaw ta na phie ha ei. |
|
| 6 |
|
| Chariahpa cha a mua ta, Tlyzaw ta a rao haw; Ama khihpizy phia chi ta, Âmo atheithlâhna a lei khai haw. |
|
| 7 |
|
| Abeipa deikua cha tlyzaw ta ryureih ta, A beidyuchhai cha ryureina dopa châta a padua; |
|
| 8 |
|
| Siana ta khizaw chô liata ryureih ta, Adona ta phopizy a pachia ei. |
|
| 9 |
|
| Abeipa cha tlybaipazy châta thokhy châ ta, Nôpona noh liata thokhy a châ. |
|
| 10 |
|
| Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi. |
|
| 11 |
|
| Zaio beidyuchhai liata a tyuhpa, Abeipa lâ reithaina hla sa u la; Phopizy hnohta a hmotaopazy chho teh u! |
|
| 12 |
|
| Ano cha thisaih phuh a lapa châ ta, Âmo a thei thlâh ha ta; Pasataopazy awna ao my beih vei. |
|
| 13 |
|
| Hy Abeipa, na ngiachhie la, Thina chhikao tawhta nâ chalotuhpa y, Nâ haotuhpazy vâta pasa ei taona he hmô mah y. |
|
| 14 |
|
| Chatanachata nâma reithaina phuah aw na ta, Zaio sawchanô chhikaozy liata, Na pachhana ei ly aw. |
|
| 15 |
|
| Phopizy âmo khaohtlô chaopa liata tla ei ta, Â nyupa ta sao ama paraipa liata Ama phei â ao tyh. |
|
| 16 |
|
| Abeipa cha anosasyh ta a pahnosa ta, Adona ta ryu a reihpa a châ; Moleipazy deikua cha, Âmo khoheih chôpa liata amâ ao tyh. |
|
| 17 |
|
| Moleipa cha Athihkhih lâ kua aw ta, Khazohpa a mypa phopi zydua chhao Athihkhih lâ ama kua hra aw. |
|
| 18 |
|
| Phahlapazy cha my ngâ thlâh hapa châ lei paw ei ta, Dyhchhiepazy hnabeiseihna chhao chhâzaw ta lei aw vei. |
|
| 19 |
|
| Hy Abeipa, thyu la, Chyhsapa ta tiah khah ei sy; Phopizy na hmiakô liata pachiapa châ mawh ei sy! |
|
| 20 |
|
| Hy Abeipa, âmo cha pachisa la, Chyhsapa dei ama châpa phopizy ta pahno mawh ei sy! |
|
|
|
|