|
| 1 |
|
| M ka ja ị mma, Osolobuẹ, ọjịja-mma hụn gha m akpakalị obi pụha; m k'e ku ihiẹn ile a tụ ẹnya ị rụn! |
|
| 2 |
|
| M k'e gi ufiri i nwọn anwịnrịn, ghọghọ! M k'e gi ẹbụ ja ẹfan ị mma, ịyụ, Onyẹ hụn Kachanrịnnị. |
|
| 3 |
|
| Ndị-iṅẹnrẹn m hụ a gbakinn'i azụụn — a kpọgburu, a nwụnhụn. |
|
| 4 |
|
| Y'a ghọsịgụọ n'o nwọnni ihiẹn m mẹ, y'a ghagụọ ukpo-eze i han ezigbo eṅẹn. |
|
| 5 |
|
| Y'a jụgbọgụọ alị ndị ọzọ rị ichẹn-ichẹn, tikpọ ndị-njọ; y'e finchanpụgụọ ẹfan wẹ jẹnrin-ejẹn! |
|
| 6 |
|
| Nke ndị-iṅẹnrẹn a gụgụọ, y'a bụpụsọnmẹgụọ obodo ndị wẹ bi — a nyanhankọzịdẹ wẹ wẹ! |
|
| 7 |
|
| Osolobuẹ wụ eze jẹnrin-ejẹn; ọ nọdịgụọ ukpo-eze ẹ n'ọ han ẹṅẹn. |
|
| 8 |
|
| O k'a hannị ụwa ile ezigbo eṅẹn; o k'e gi ezioku kị alị ile. |
|
| 9 |
|
| Osolobuẹ kẹ onyẹ wẹ rị a bịangbu a gbaburu, imẹ ẹ kẹ w'a gbaban ogẹn nsọngbu. |
|
| 10 |
|
| Ndị marịnn'ị gi i e dọn ẹnya, makẹni onwọnni ogẹn yụ wụ Osolobuẹ gi a latọ ndị bịa d'e kunrunn'i. |
|
| 11 |
|
| Bụnị nị Osolobuẹ ẹbụ ịja mma, Osolobuẹ hụn nọ Zayọnụ rị Jerusalẹm a kị! D'a gwasọnmẹ ni alị ichẹn-ichẹn ihiẹn o mẹ! |
|
| 12 |
|
| Makẹni Onyẹ hụn e gbugwarị ndị e gbu ọchụn k'ọ wụ; ọ nyanhan anyanhan — a ra zọ ẹkwan ndị wẹ rị a bịangbu. |
|
| 13 |
|
| Euu Osolobuẹ, lee ihiẹn ndị-iṅẹnrẹn m rị e kpokpo m! Mẹ omikẹn m, ịyụ hụn a gbapụha m ẹka ọnwụn — |
|
| 14 |
|
| kẹni m ku ihiẹn ile rị mma i mẹ — a nọ m igunrun ndị Zayọnụ rị Jerusalẹm ghọghọ makẹni y'a zụọpụhagụọ m. |
|
| 15 |
|
| Alị ndị hụn ghalẹni e fe i a danbangụọ imẹ mgbugbu wẹ gutọnị ịhịan! Ọnyan wẹ shimẹtọ nzuzue a nwụngụọ wẹ ụkụ! |
|
| 16 |
|
| Osolobuẹ a ghọsịgụọ onyẹ ọ wụ; ọ hangụọ ezigbo eṅẹn! Ndị-njọ e gigụọ isi wẹ buru ihiẹn wẹ mẹ! (Higayọnụ.) |
|
| 17 |
|
| Ọnwụn wụ nke ndị-njọ — alị ile hụn zọ Osolobuẹ. |
|
| 18 |
|
| Osolobuẹ a zọchanrịnkọ ndị elu rị a fụ; ihiẹn ndị wẹ rị e mẹshi ikẹn rị e lee ẹnya a alakọ iwi. |
|
| 19 |
|
| Dodo lihi nwan, Osolobuẹ! Anịkwọlẹ ịhịan mẹri. Wẹhẹ alị ndị ahụn ghalẹni e fe i d'a hangbu wẹ eṅẹn ihun i. |
|
| 20 |
|
| Osolobuẹ, dodo, bu egun che wẹ ẹnya! Mẹ alị ndị ghalẹni efee i marịn nị wẹ wụhụ ịhịan mmaka. |
|
|
|
|