Fɔs Oli Baybul 2013
|
| 1 |
| PAPA GƆD frɔm tɛm, na yu dɔn de kɔba wi. |
| 2 |
| Bifo yu mek di mawnten dɛn ɛn infakt sɛf bifo yu mek di wɔl, yu bin dɔn bi di PAPA GƆD we wi de wɔship, ɛn yu go stil bi wi PAPA GƆD sote go. |
| 3 |
| Yu mek mɔtalman tɔn dɔti yu se mɔtalman fɔ go bak na dɔti, as na de i bin kɔmɔt. |
| 4 |
| Fɔ yu, wan tawzin ia na lɛk wande ɔ lɛk we wachman tif slip na nɛt. |
| 5 |
| Yu mek mɔtalman layf shɔt lɛk drim: i fiba lɛkɛ gras we de grap na mɔnin, |
| 6 |
| we kin frɛsh so na mɔnin bɔt bay ivintɛm, i dɔn dray ɛn day. |
| 7 |
| Di vɛks we yu vɛks pan wi de pwɛl wi at ɛn kɔnfyus wi. |
| 8 |
| Wi sin dɛn de bifo yu. Yu de si dɛn ɛn ivin di wan dɛn we wi de tray fɔ ayd pan yu, yu de si dɛn ɔl. |
| 9 |
| We yu vɛks pan wi, wi layf de shɔt bifo yu mekɔp wi layf dɔn dɔn. |
| 10 |
| Mɔtalman fɔ liv fɔ sɛvinti ia bɔt if i gɛt trɛnk, i kin de fɔ eti, ɛn da tɛm de i go de sik bɔku ɛn gɛt ɔlkayn trɔbul, dɔn na so tɛm go de flay fɔ am. |
| 11 |
| Udat no wetin yu kin du we yu vɛks? Di vɛks we yu vɛks ɛn di fred we yu want fɔ mek wi fred yu na di sem. |
| 12 |
| Tich wi fɔ no se wi nɔ gɛt lɔŋ fɔ liv so dat we go gɛt PAPA GƆD in sɛns na wi at. |
| 13 |
| PAPA GƆD, aw lɔŋ yu go de vɛks pan wi nɔmɔ av masi pan wi naw. |
| 14 |
| Mek wi no yu lɔv we nɔ de chenj na mɔnin so dat wi go gladi ɛn siŋ fɔ dat sote go. |
| 15 |
| Mek lɛ wi gladi naw, mek di tɛm we wi de gladi bɔku lɛk di tɛm we wi bin sɔri, di tɛm we yu bin de pas am pan wi. |
| 16 |
| Sho yu savant dɛn di big wok we yu kin du ɛn dɛn pikin we gɛt fɔ bɔn, aw yu gud. |
| 17 |
| Lɛ wi Masta we na PAPA GƆD we wi de wɔship blɛs wi; lɛ di wok wi de du kɔmɔt fayn; yɛs, lɛ i kɔmɔt fayn fɔ wi. |
| Sev Notis dɛn |
https://beblia.bible:81/BibleAudio/krio/psalms/090.mp3
150
90