Mara Bible BSI 2023
|
| 1 |
| Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw. |
| 2 |
| Abeipa hnohta, “Ei chhaina nata ei thokhy châ chi ta, Ei ngâpa ei Khazohpa na châ,” ei tah awh. |
| 3 |
| Khoheih a chôh thaipazy khoheih tawhta cha pachha aw ta, Potlana chichhihpa tawhta a cha pachha aw. |
| 4 |
| A mathlaw hmi ta cha khu aw ta, A mathlaw ry liata achhaina na hmô aw; A ngâchhihna cha vyhphao nata thokhy a châ. |
| 5 |
| Zâ chichhihna chi leipa aw chi ta, Nohchhô ta châtai a zawpa chi aw va chi. |
| 6 |
| Zohna liata potlana a chareipa chi leipa aw chi ta, Nohchhô ta pahleipadiatuhpa chhao chi aw va chi. |
| 7 |
| Na kâ lâta sâh kha pao aw ei ta, Na chachâh lâta thy kha ama pao aw; Nâ deikua châ hnia aw veih ei. |
| 8 |
| Na mo ta moh aw chi ta, Moleipa viarithôpa a châpa na hmô aw. |
| 9 |
| Abeipa cha na pahrâna châta hmâh chi ta, Chônôchaipa cha nâ chhaina ta na hmâpa vâta, |
| 10 |
| Chhiena ta cha tla thlu leipa aw ta, Potlana ta na poh o a hnia aw vei. |
| 11 |
| Na siena lia maihta châ vaih awpa ta, Nâma kyh liata a vâlyuhchâpazy bie a pie aw ei. |
| 12 |
| Alô liata na phei nâ pachhi lei nawpa ta, Ama ku ta ama cha chalo ha aw. |
| 13 |
| Chakeibarôhneipa nata vâzi zy tlypâ aw chi ta, Chakeibarôhneipa lochopa nata parihpi chhao, Phei ta na tlysao aw ei. |
| 14 |
| Abeipa ta hetana heta a tah: “Kyh khâchâ nâ pachâpa cha pachha aw na ta, Ei moh a pahnopa cha ei pabohsa aw. |
| 15 |
| Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw. |
| 16 |
| Hro pasina ta a palôh patlâh aw na ta, Ei pachhana ei pahmôsa aw.” |
| Save Notes |
https://beblia.bible:81/BibleAudio/chinbsi/psalms/091.mp3
150
91