EBIBILIA ENCHENU 2020
|
| 1 |
| Ere oyomenyete inse y’oborendi bw’Oyore Igoro Mono, na otimogete ase ekiriri ki’oyore Omobui, |
| 2 |
| oyio nigo aranyare goteba, “Omonene nere obotamero bwane, na orwaki rwane, nere Nyasae one oyo nsemeretie.” |
| 3 |
| Ere nagotoorie korwa ase omoeto bw’omotegi, na korwa ase amarwaire amabe agoita. |
| 4 |
| Ere nagotube namarionya aye, ase chimbaba chiaye ime nonyore obotamero. Obwegenwa bwaye nenguba na eng’aya asore. |
| 5 |
| Tokwoboa okogoswa ekero kia botuko, gose omogwe okorutwa mobaso, |
| 6 |
| nonya namarwaire amabe agoeta ase omosunte, gose amabe ande onsi agoita mobaso. |
| 7 |
| Abanto elifu eyemo nabaisa kogwa ase rikere riao, gose chilifu ikomi ase ensemo yao ya borio, korende ayio tagokonyora aye. |
| 8 |
| Norigererie namaiso ao, orore buna abakori amabe bakoegwa egesusuro. |
| 9 |
| Ekiagera kwabekire Omonene obeire egekengano kiao, na Oyore Igoro Mono obotamero bwao, |
| 10 |
| amabe ande onsi tagokonyora, na amaakwa ande onsi tagocha ase enka yao. |
| 11 |
| Naki Nyasae nagochikere abamalaika baye bakorende ase chinchera chiao chionsi. |
| 12 |
| Barabwo nabakoimokie ase amaboko abo, erinde togochwa okogoro kwao ne rigena. |
| 13 |
| Notache chindo na amarubi, notiringe chindo chinsae ne chinchoka. |
| 14 |
| Naki oyo obwatanire nainche ase obwanchani nimotoorie, nimorende, ekiagera namanyete erieta riane. |
| 15 |
| Ekero arandangerie, inche nimoitabere, inche nigo inde amo nere ase engaki y’emechando. Nimotoorie, naende nimoe ogosika. |
| 16 |
| Nimoisanekie nobogima obotambe na komworokia ogotooreka kwane. |
| Save Notes |
https://beblia.bible:81/BibleAudio/gussi/psalms/091.mp3
150
91