RUAC KUƆTH IN RƐL RƆ 1998
|
| 1 |
| Kä ram mi wä tëkdɛ lua̱k kä Kuoth in Di̱t ni Jɛn, jɛn ba jɛ gaŋ ɛ Kuoth in leny buɔ̱mdɛ ti diaal, |
| 2 |
| kä bɛ Kuoth jiök i̱, “Ɛ ji̱n käändä kä gääŋdä, ɛ ji̱n Kuothdä min ŋa̱a̱thä.” |
| 3 |
| Kɛ ɣöö bɛ ji̱ gaŋ kä dhuur in ca tɛ̱̈ɛ̱̈, kä bɛ ji̱ gaŋ kä jua̱th tin na̱kɛ naath. |
| 4 |
| Kä jɛn bɛ ji̱ kum kɛ juätkɛ, kä bi ka̱n jek kä jɛ, kɛ thuɔ̱kdɛ bɛ la ko̱tdu kä gääŋdu. |
| 5 |
| Kä ci bi lɛ dual kɛ muth kɛ wäär, kiɛ nɛy ti makɛ ji̱ kɛ bääri kɛ cäŋdäär, |
| 6 |
| kiɛ jua̱th tin la ka̱pkɛ naath kɛ wäär, kiɛ da̱k mi bi ben kɛ cäŋdäär. |
| 7 |
| Kä dɔ̱ŋ de̱e̱ nɛy ti bathdɔɔr li̱w gekädu, kä de̱e̱ bathdɔɔri wäl kɔ̱kiɛn li̱w pe̱e̱k cuëëcdu, duundɛ ɣöö thilɛ mi bi ben thieekädu. |
| 8 |
| Bi guic ni ji̱n kɛ waŋdu, bi duäc in ba duäc nɛy tin la̱a̱t jiäkni nɛn. |
| 9 |
| Kä mi ci Kuoth Nhial jakä luääkdu, a ci Kuoth in Di̱t ni Jɛn jakä gääŋdu, |
| 10 |
| thilɛ mi jiääk mi bi ji̱ jek, thilɛ da̱k mi bi lɛ ben guäth cieŋdu. |
| 11 |
| Kɛ ɣöö bɛ ja̱a̱kɛ jakä gaŋkɛ ji̱, bikɛ ji̱ yien duɔ̱pniku diaal. |
| 12 |
| Kä bikɛ ji̱ thak kɛ tetkiɛn kɛ ɣöö /ci ciöku bi lɛ näk kɛ päm. |
| 13 |
| Kä bi dɔany ni loony kɛnɛ thɔ̱ɔ̱l, bi loony tin ŋɛ̈ny ŋɛ̈ɛ̈ny kɛnɛ thɔ̱ɔ̱l tin tekɛ lueŋ dɔny kä piny. |
| 14 |
| Kä cu Kuoth Nhial wee i̱, “Ɣän bä nɛy tin nhɔakɛ ɣä kän, kä bä nɛy tin ŋa̱ckɛ ciötdä gaŋ. |
| 15 |
| Kä mi wä kɛn ɣä cɔl, ɣän bä kɛ loc, kä bä tekɛ kɛ kɛɛl kɛ gua̱a̱th rikni, ɣän bä kɛ kän kä bäkɛ ka̱m luth. |
| 16 |
| Kä bäkɛ moc tëk mi bäär, kä bäkɛ nyuɔ̱th ka̱ndä.” |
| Tɔ̱a̱w Notethni̱ |
https://beblia.bible:81/BibleAudio/nuer/psalms/091.mp3
150
91