Ika Bible 2018
|
| 1 |
| Ịkpanmịn Osolobuẹ a rịka mma, e gi ẹbụ a ja ẹfan Onyẹ Ahụn Kachanrịnnị mma, |
| 2 |
| e ku ẹ ụtụntụn nị y'e nwọnkẹ ihiẹn-ọsụsụọ ndị nke i, e ku ẹ uhinhin n'ị wụ onyẹ wẹ gi e dọn ẹnya; |
| 3 |
| a kpọye ẹ ụbọ eriri-iri lẹ ụbọ-layẹ, e gi ụbọ a kpọn'ị egu ịja-mma. |
| 4 |
| Makẹni, yụ wụ Osolobuẹ e gi ihiẹn y'e mẹ e mẹ m a ghọghọ; ihiẹn y'a rụn, e mẹ m a bụ ẹbụ ịghọghọ. |
| 5 |
| Euu Osolobuẹ, ọrụn ẹka ị e hikẹ ogbe! Iroro i e mikẹ! |
| 6 |
| Onyẹ marịnlẹni ihiẹn asẹka marịn ihiẹnni; onyẹ nwọnlẹni uche asẹka ghọta ihiẹnni. |
| 7 |
| Ọsụọn'a nị ndị-njọ e pujun kẹ irurue, ọsụọn'a nị ndị njọ ile rị a gha ihun, ntikpọ itẹbitẹ rị e che wẹ. |
| 8 |
| Kanị Osolobuẹ, ọghọ wụ nke i jẹnrin e jẹn! |
| 9 |
| Ẹghẹẹ Osolobuẹ, ndị-iṅẹnrẹn i k'a larịrị iwi; ị k'a chụzịza ndị ile e mẹ eje-ihiẹn! |
| 10 |
| Y'e mẹgụọ m ze kẹ mpịn efin ọfịa, mẹ m mẹri, y'e tekwamaọlẹ m mmẹri rịkẹ ezigbo udẹn i. |
| 11 |
| Ẹnya m a hụngụọ kẹ ndị bunụmanị m dan, ntịn m a nụgụọ ihiẹn mẹ ndị-ejẹ. |
| 12 |
| Ndị ezi-omumẹ k'e sue kẹ nkụ; wẹ k'e sue kẹ okẹn-osisi sida rị alị Lẹbanọnụ. |
| 13 |
| Osisi wẹ kụnye iwe Osolobuẹ kẹ wẹ wụ, osisi rị ezi-ọgwa Chuku e sue ọhụnma-ọhụnma. |
| 14 |
| Wẹ kagụdẹ ẹgẹdi, wẹ k'a gha a mịzị mkpụrụ, e du, a gha ihun; |
| 15 |
| a ghọsị nị Osolobuẹ wụ onyẹ kụrụ ọtọ, Ọmụma hụn e che m nche, ghalẹni e mẹ ịhịan njọ. |
| Save Notes |
https://beblia.bible:81/BibleAudio/ika/psalms/092.mp3
150
92