×

Maayong Balita 2012

SALMO 92

1
Daw ano kaayo ang magpasalamat sa imo O Ginoo, sa pagkanta sing mga pagdayaw sa imo, O Dios nga Labing Mataas,
2
sa pagsugid sang imo mapinadayunon nga gugma sa tagsa ka aga, kag sang imo katutom sa tagsa ka gab-i,
3
upod sa pagtukar sang dekwerdas nga mga instrumento, kag upod sa tunog sang arpa.
4
O Ginoo, ang imo gamhanan nga mga binuhatan nagapasadya sa akon, tungod sang imo mga hinimuan, nagakanta ako sa kalipay.
5
Daw ano ka dalagku sang imo mga binuhatan, O Ginoo! Daw ano kadalom sang imo mga panghunahuna!
6
Amo ini ang indi mahibaluan sang buangbuang, ang indi mahangpan sang balingag nga tawo:
7
ayhan ang malaut magatubo subong sang hilamon, kag ayhan magauswag ang tanan nga nagahimo sang kalautan, pero pagalaglagon sila sing bug-os,
8
tungod kay ikaw, O Ginoo, ang labing gamhanan sa walay katubtoban.
9
Nahibaluan namon nga ang imo mga kaaway magakalamatay, kag ang tanan nga mga malaut malutos.
10
Ginhatagan mo ako sing kusog subong sang simaron nga baka, kag imo ako ginpili subong nga mangin-imo.
11
Nakita ko ang pagkalutos sang akon mga kaaway, kag nabatian ko ang paghinibi sang mga malaut.
12
Ang matarong magalambo subong sang mga palma, magatubo sila subong sang mga sedro sang Libano.
13
Kaangay sila sang mga kahoy nga gintanom sa balay sang Ginoo, nga nagalambo sa Templo sang aton Dios,
14
nga nagapamunga pa sa iya katigulangon, kag sa gihapon malagtom kag mabakod.
15
Nagapakita ini nga ang Ginoo matarong, wala sing sayop sa iya nga akon mangangapin.
Ilonggo Bible 2012
Maayong Balita nga Biblia Philippine Bible Society, 2012
:
Save Notes