|
| 1 |
|
| Ee Kamuktaindet ne Toroor, inyee Kamuktaindet ne po yaaktaetap mugetuut, Iluu, inyee Kamuktaindet ne po yaaktaetap mugetuut. |
|
| 2 |
|
| Ng'eet, inyee kirwoogindetap ng'wony: Igeerchi menotik ko uu ye nyoljin. |
|
| 3 |
|
| Ee Kamuktaindet ne Toroor, tyanitu, Iterteerisyei kiptengeginik kot kotyanit? |
|
| 4 |
|
| Ng'alaalati icheek ng'aleek che chaang', ng'alaale menoteet: Ilasugei yaik tugul che po tengekto. |
|
| 5 |
|
| Tuatui icheek piiguk, ee Kamuktaindet ne Toroor, Ak konyalili icheek poroteng'ung'. |
|
| 6 |
|
| Parei mosoget ak toondet, Ak rumei che ma tinyei sigiik. |
|
| 7 |
|
| Ak koleen, Ma keerei Kamuktaindet ne Toroor, Ama mage kiy Kamuktaindetap Jakobo. |
|
| 8 |
|
| Obwaat, okweek che o koseng'eng'inik eng' kwenutap piik: Ak okweek che oo perberen, ong'omegitu auyo? |
|
| 9 |
|
| Tos ineendet ne kiyaei itit, koma kastoi? Tos ineendet ne kiyaei koonyek, koma keertoi? |
|
| 10 |
|
| Tos ma itigoni ineendet ne kere kong' pororyosyek, Ne ineendet ne ineeti piik naet? |
|
| 11 |
|
| Ingen Kamuktaindet ne Toroor kabwaatutigap chii, Kole puch. |
|
| 12 |
|
| Igasegei chii ne igeregong', ee Kamuktaindet ne Toroor, Ak ineeti eng' ng'atuutiguk; |
|
| 13 |
|
| Si kobiit imuung'ji eng' peetuusyegap nyalilda, Agoi kebalji keriinget kiptengeginik. |
|
| 14 |
|
| Amu ma toortai `Kamuktaindet ne Toroor piikyik, Ama metoi porotennyi. |
|
| 15 |
|
| Amu weekyingei kirwooget imanda: Ak kosubi nooto tugul che po iman eng' mugulelwekwak. |
|
| 16 |
|
| Tos ng'oo ne ng'eetei kotoreta eng' yaigap yaityo? Tos ng'oo ne tononi kotoreta eng' kiptengeginik? |
|
| 17 |
|
| Nda ki ma ek toreteennyu Kamuktaindet ne Toroor, Ta kiga kochaakta saboondanyu komeny ye mi siisek. |
|
| 18 |
|
| Ye kinga le, Ichaboitoi keldanyu, Kotiia rireeneng'ung', ee Kamuktaindet ne Toroor. |
|
| 19 |
|
| Eng' chaang'indap kabwaatutik che mi oriitinnyu koboiboi kagaigaosyeguk saboondanyu. |
|
| 20 |
|
| Tinyei yamdaet nee ng'echereetap pounatetap tengekwogik ak inyee, Ne chobei yaitwogik eng' ng'atuutik? |
|
| 21 |
|
| Iyumigei agobo saboondap ne po iman, Ak korwookyi korotiik che ma tinyei tengek. |
|
| 22 |
|
| Ago ki koek Kamuktaindet ne Toroor irimennyu ne kooi; Ak Kamuktaindennyu rwandet ne amwechini. |
|
| 23 |
|
| Ak ki koweekyi icheek tengektonywa, Ak koisto icheek amu tengektonywa; Ak kowong' icheek Kamuktaindet ne Toroor, Kamuktaindennyo. |
|
|
|
|