|
| 1 |
|
| Kuoth Nhial ɛ ji̱n Kuoth mi la col duɔ̱ɔ̱r, lö Kuoth mi la col duɔ̱ɔ̱r bër nyoth rɔɔdu! |
|
| 2 |
|
| Jiɛcni rɔɔdu lö luuk piɛny, bër kämni nɛy tin liakɛ rɔ̱ min ro̱ŋ kɛ kɛ! |
|
| 3 |
|
| Bɛ kulɛ amäni nɛy bi ji̱ nyuɔɔni lo̱ckiɛn tɛthɔ? Bɛ kulɛ amäni nɛy lö Kuoth Nhial? |
|
| 4 |
|
| Kä lat kɛn ni rieet liakä, kɛn ji̱ la̱a̱t jiäkni diaal liakɛ ni rɔ. |
|
| 5 |
|
| Kä näk kɛn ni nɛɛku lö Kuoth Nhial, yɔŋ kɛn ni nɛy tin la nɛɛku. |
|
| 6 |
|
| Kä näk kɛn män jɔɔkni kɛnɛ jur, kä luc kɛn gaat tin rɛ̈tni. |
|
| 7 |
|
| Ruackɛ wäkɛ i̱, “Kuoth Nhial /cɛ ne̱n, ɛn Kuoth Je-kɔb thilɛ jɛ tiit.” |
|
| 8 |
|
| Ŋa̱cɛ ŋɔak lö yɛn nɛy tin dɔa̱a̱r, yɛn dɔ̱a̱a̱r bia pɛl i̱ nɛy? |
|
| 9 |
|
| Kä jɛn ram min lät ji̱th, /cɛ dëë ku liɛŋ? Kä jɛn raam in lät nyin, ɛ /cɛ dëë ku nën? |
|
| 10 |
|
| Kä jɛn ram min lue̱e̱k döör, kä nyuuth naath kɛ ŋäc ŋɔaani, ɛ /cɛ naath dëë ku tɔ̱ŋ? |
|
| 11 |
|
| Kä jɛn Kuoth Nhial ŋäcɛ cär nath, ɛn ɣöö thilɛ kɛ luɔt kɛ lɔaar. |
|
| 12 |
|
| Tɛ̈th lɔaac akɛ nɛy tin ci Kuoth Nhial kɛ luek, kɛn nɛy tin cɛ nyuɔ̱ɔ̱th kɛ ŋuɔ̱tkɛ, |
|
| 13 |
|
| tin kämɛ lɔ̱a̱ŋ kɛ ni̱n rikni, amäni mi ca kɔa̱a̱k tɛt kɛ kui̱ ji̱ nyuɔɔni. |
|
| 14 |
|
| Kɛ ɣöö Kuoth Nhial /cɛ nɛɛkɛ bi pa̱l ruëëc, /cɛ kɛ bi ba̱ny piny kɛn nɛy tin la nyinkɛ, |
|
| 15 |
|
| kɛ ɣöö ba luɔ̱ɔ̱k nyɔk kɛ luk kɛ thuɔ̱ɔ̱k, kä ba guɔ̱ɔ̱r ni jɛ ɛ ji̱ thuɔ̱ɔ̱kni diaal. |
|
| 16 |
|
| Kä ɛŋa mi bi ɣä ɣɔr kä ji̱ nyuɔɔni? Kä ɛŋa mi bi gua̱a̱thdä käthikä kä la̱a̱t jiäkni? |
|
| 17 |
|
| Mi /ken Kuoth Nhial ɣä luäk, kä täämɛ dëë tieeydä te ni jɔɔkni. |
|
| 18 |
|
| Kä mëë cä wee i̱, “Ɣän tɛ̈thä,” curi ɣä luäk kɛ nhökdu, min thil pek lö Kuoth Nhial. |
|
| 19 |
|
| Kä mɔ ci diɛɛr lɔaacdä di̱t ɔ, la buumi ɣä kä bi lɔcdä jak kä gɔaa. |
|
| 20 |
|
| A dëë kua̱r tin tekɛ nyuɔɔn kua̱ mäthniku, kɛn nɛy tin /ca thuɔ̱k läth guäthdɛ? |
|
| 21 |
|
| La mat kɛ rɔ̱ kɛ kui̱ nɛɛni tin tekɛ cuŋ, bikɛ nɛy tin thil duer cu kum kɛ lia̱a̱. |
|
| 22 |
|
| Duundɛ ɣöö bi Kuoth Nhial a gääŋdä, kä jɛn Kuothdä bɛ la käändä. |
|
| 23 |
|
| Bɛ kɛ cuɔ̱l dueerkiɛn kä bɛ kɛ ciac raar kɛ kui̱ nyuɔɔnikiɛn. Jɛn Kuoth Nhial ni Kuothda bɛ kɛ thuk. |
|
|
|
|