×

Naawuni Kundi Kasi 2011

Yila 95

1
Kamiyana ka ti yili yila paɣi Yawɛ. Chɛliya ka ti yo suhupiɛlli vuri m-paɣi ŋun nyɛ ti tiliginsim tampiŋ ŋɔ!
2
Chɛliya ka ti ka o tooni na ni wumpaɣibo; ka chɛ ka ti yɔnya suhupiɛlli vuri yili yila paɣ’ o!
3
Dama Yawɛ n-nyɛ Naawuni ŋun galisi, ka nyɛ na’ titali ŋun gari wuna zaa.
4
Ŋuna n-su dunia tiŋgbani puuni ziliŋ; ka su zo’ kara la gba.
5
Ŋuna n-su teeku, dama ŋuna n-daa nam li; ŋuna n-su tiŋgbani din nyɛ o nuhi tuma la.
6
Kamiyana, chɛliya ka ti teei dɔni ti puya zuɣu n-jɛm’ o; chɛliya ka ti gbani Yawɛ ŋun nyɛ ti namda ŋɔ tooni!
7
Dama ŋuna n-nyɛ ti Naawuni ka ti nyɛ o ni dihiri shɛba, ka nyɛ kaman piɛri be o nuu ni. Di di simdi ni yi wum o ni yɛn yɛli shɛm zuŋɔ dabisili ŋɔ:
8
Di niŋya tipawumlinima kaman bɛ ni daa niŋ shɛm Mɛriba mini bɛ ni daa niŋ shɛm Masa tiŋgban’ nɛl’ ni la.
9
Yi yaannim’ daa zahim ma hal bɛ ni daa kul nya n ni tum shɛm la zaa yoli.
10
Yuun’ pihinahi zaa ka n daa je suli niŋ bɛ ʒiɛmani maa nima ka yɛli, “Bɛ nyɛla ninvuɣ’ shɛb’ bɛn kul birigiri bɛ suhuri ni ka zaɣisiri n soya dolibu.”
11
Dinzuɣu ka n daa po n suhuyiɣisili puuni yɛli, “Bɛ kul ku nya vuhim shee n sani!”
Dagbani Bible 2011
Red Letter Dagbani Bible Society of Ghana, 2011
:
Save Notes