×

Biblia Ande Chib Romani 2018

Psalms 96

1
Llilaben e Devleke iek llili nevi, llilaben e Devleke sa o sueto,
2
llilaben e Devleke ta blagosin leko anav, ta den orba suako llive katar leko braduipe.
3
Den orba katar leko baripe, ta katar e glamne ezgode kai cherda angla sa e forura ta e phuvia,
4
soke o Del si baro ta prema le si o blagosipe: ¡letar si te dara mai but neko katar sa e dela!
5
E dela katar aver phuvia si slike, a o Del cherda o miloso.
6
¡But villelo si angla le! ¡But zor ta sukaripe si ande leko santuario!
7
Den e Devle, e viche ta e forura, den e Devle e zor ta o baripe,
8
den e Devle o liubao kai si prema le, den ande leki bar ta anen leke so si dino,
9
blagosin e Devle ande leko sukar santuario. ¡Sa o sueto izdral angla le!
10
Phenen e phuvienge gia: ¡O Del si Charo! Vou chapenisarda e phuv te na miskolpe, vou krisil e sueto chachimaia.
11
¡Te veselinpe o miloso ta e phuv! ¡Te basel e mora ta sa so si andre!
12
¡Te veselilpe o vos ta sa so si andre! ¡Te urkin veselimatar e kasta kai si ando vos,
13
angla o Del kai avel! ¡Ea, vou avel te charoil pe phuvia, ta ka krisil e phuvien katar o sueto orta ta pe chachimaia!
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes