Bukuit Ne Tilil 2020
|
| 1 |
| Laitorani Jehovah; ingobaibait ng’ony; Ingogasgei emotinwek che chang’ che mi ngegusiek. |
| 2 |
| Yiemei inendet bolik ak mesundeito: Ole tebe ng’echerennyi ne bo bounatet ko imanda ak kiruoget. |
| 3 |
| Indoi mat eng’ inendet, Ak beelei bunikyik eng’ komoswek tugul. |
| 4 |
| Kiikwenyi ng’ony ilotikyik; Kigeer emet, ak kobotan. |
| 5 |
| Kichootyo tulonok eng’ taitab Jehovah ko u temeniet, Eng’ taitab Kamuktaindet ne bo ng’ony komugul. |
| 6 |
| Ibortoi kipsengwetisiek imandanyi, Ak kigogeer bik tugul torornatennyi. |
| 7 |
| Ingolilanso tugul che otei kanamonik che kigiwai, Che lasegei tuguk che matilei kiy: Ogutung’ji inendet, okwek cheptalelisiek tugul. |
| 8 |
| Kigas Sion, ak kiigasgei, Ak kiboiboitu tibikab Juda; Amu kiruogutiguk, ee Jehovah. |
| 9 |
| Amu inye, Jehovah, ko i toror mising’ eng’ ng’ony komugul: Kiitororitu mising’ isiir cheptalelisiek tugul. |
| 10 |
| Ee okwek che ochame Jehovah, owech yaitiet: Ribei sobonwekab chechik che tililen; Soru ichek eng’ eutab kiptengeginik. |
| 11 |
| Kigoljin lapkeiyet che bo iman, Ak kigoljin kagasetab ge che bo iman eng’ mugulelwek. |
| 12 |
| Ogasge eng’ Jehovah okwek che o bo iman; Ogochi kongoi kainennyi ne tilil. |
| Save Notes |
https://beblia.bible:81/BibleAudio/kalenjin/psalms/097.mp3
150
97