Bukuit Ne Tilil RV 2015
|
| 1 |
| Laitorani Kamuktaindet ne Toroor; ingobaibait ng'wony; ingogaskei emotinwek che chaang' che mi ngeguusyek. |
| 2 |
| Yiemei ineendet poolik ak mesundeito: Ole tebee ng'echerennyi ne po pounateet ko imanda ak kirwooget. |
| 3 |
| Indoi maat eng' ineendet, Ak peelei puunikyik eng' komoswek tugul. |
| 4 |
| Ki ikwenyi ng'wony ilotikyik; Ki keer emet, ak kobotan. |
| 5 |
| Kichootyo tuloonook eng' taitap Kamuktaindet ne Toroor ko uu temeniet, Eng' taitap Kamuktaindet ne po ng'wony komugul. |
| 6 |
| Iboortoi kipsengwet imandanyi, Ak ki kogeer piik tugul toroornatennyi. |
| 7 |
| Ingolilanso tugul che otei kanamonik che ki kiwai, Che lasegei tuguuk che ma tilei kiy: Ogutung'ji ineendet, okweek kamuktaik tugul. |
| 8 |
| Ki kas Zion, ak ki igaskei, Ak kiboiboitu tiibiigap Judah; Amu kirwoogutiguk, ee Kamuktaindet ne Toroor. |
| 9 |
| Amu inyee, Kamuktaindet ne Toroor, ko ii toroor miising' eng' ng'wony komugul: Ki itororitu miising' isiir kamuktaik tugul. |
| 10 |
| Ee okweek che ochame Kamuktaindet ne Toroor, owech yaityet; riibei saboonwegap chechiik che tiliileen; saru icheek eng' eutap kiptengeginik. |
| 11 |
| Kigooljin lapkeiyet che po iman, Ak ki kooljin kagasetapkei che po iman eng' mugulelwek. |
| 12 |
| Ogaaskei eng' Kamuktaindet ne Toroor okweek che oo po iman; Oweekyi kongoi kainennyi ne tiliil. |
| Save Notes |
https://beblia.bible:81/BibleAudio/kalenjinrevised/psalms/097.mp3
150
97