×

現代台語譯本羅馬字版

詩篇 98

1
Lín tio̍h ǹg Siōng Chú chhiùⁿ sin ê koa, in-ūi I ū chòe kî-biāu ê sū; I ê chiàⁿ-chhiú, sèng ê chhiú-kut si-hêng chín-kiù.
2
Siōng Chú í-keng soan-pò͘ I ê kiù-un, tùi lia̍t-pang hián-bêng I ê kong-gī.
3
I ōe-kì-tit I tùi Í-sek-lia̍t -ke èng-ún ê chû-ài kap sìn-si̍t; thiⁿ-piⁿ-hái-kak lóng ū khòaⁿ-kìⁿ lán ê Siōng-tè ê chín-kiù.
4
Choân-tōe lóng tio̍h ǹg Siōng Chú chhut hoaⁿ-hí ê siaⁿ; tio̍h chhut tōa-siaⁿ hoaⁿ-hí chhiùⁿ-koa chheng-chàn I.
5
Tio̍h tôaⁿ-khîm chheng-chàn Siōng Chú, tôaⁿ-khîm chhiùⁿ hó-thiaⁿ ê si-koa o-ló I.
6
Tio̍h ēng lat-pah kap sàu-kak, tī Siōng Chú — lán ê Ông bīn-chêng chhut hoaⁿ-hí ê siaⁿ.
7
Goān hái kap hái-tiong ê it-chhè lóng chhut-siaⁿ; sè-kài kap bān-mi̍h mā chhut tōa-siaⁿ.
8
Goān kang-hô phah-pho̍k-á hoaⁿ-hí, chèng soaⁿ-niá tī Siōng Chú bīn-chêng chòe-hé khoài-lo̍k chhiùⁿ-koa;
9
in-ūi I lâi beh sím-phòaⁿ choân-tōe, I beh chiàu kong-gī sím-phòaⁿ sè-kài, ēng kong-pêng sím-phòaⁿ bān-bîn.
Chinese TTVR
The Bible Society in Taiwan
:
保存笔记