×

Naawuni Kundi Kasi 2011

Yila 98

1
Yilimiya yili palli paɣi Yawɛ, dama o tum alahiziba tuma. O nudirigu min’ o bɔɣu dim be kasi ŋɔ ti o nasara.
2
Yawɛ chɛ ka bɛ baŋ o nasara dibu yɛla. O kahig’ o tiliginsim yiko wuhi zuliya kam.
3
O teeg’ o yurilim maŋli min’ o ʒiɛyimtali ni nyɛ shɛm yɛla Izraɛlnim’ sani. Dunia ŋɔ luɣilikam zaa nim’ nya ti Naawuni nasara dibu maa.
4
Dunia ŋɔ nim’ zaa, yilimiya suhupiɛlli yila paɣi Yawɛ; duhimiya yi yee ni suhupiɛlli yili wumpaɣibo yila.
5
Ŋmɛmiya mɔɣilɔnim’ yili wumpaɣibo yila paɣi Yawɛ. Ŋmɛmiya mɔɣilɔnima, ka zaŋ biŋkumda kumsi paɣ’ o.
6
Piɛbimiya kikahi mini binyila n-yili suhupiɛlli yila Yawɛ ŋun nyɛ Naa ŋɔ tooni.
7
Teeku mini binshɛɣukam zaa din be di puuni vuma, dunia ŋɔ mini bɛnkam zaa be di ni, yilimiya yila.
8
Kokpɛɣu, yom’ vuri kaman nuhi kpahibu vuri la. Kunkuna, laɣimmiya yili suhupiɛlli yila Yawɛ tooni,
9
dama o kanna ni o ti kari dunianim’ saria. O ni ti doli wuntia soli kari dunianim’ saria, O ni ti zaŋ yɛlimaŋli soli kari niriba saria.
Dagbani Bible 2011
Red Letter Dagbani Bible Society of Ghana, 2011
:
Save Notes