×

Maayong Balita 2012

SALMO 98

1
Magkanta sing bag-o nga ambahanon sa Ginoo, kay nakahimo sia sang makatilingala nga mga butang! Paagi sa iya kaugalingon nga gahom kag balaan nga kusog, nagdaog sia.
2
Ginpahibalo sang Ginoo ang iya pagdaog, ginpakilala niya sa mga pungsod ang iya gahom sa pagluwas.
3
Gintuman niya ang iya saad sa mga tawo sang Israel, nga may mapinadayunon nga gugma kag pag-unong sa ila. Ang tanan nga mga katawhan bisan diin nakakita sang pagdaog sang aton Dios.
4
Magkanta kamo sa Ginoo, nga may kalipay, O bug-os nga duta, dayawa sia sa mga ambahanon kag mga paghinugyaw!
5
Magkanta kamo sing mga pagdayaw sa Ginoo! Magtukar sang mga ambahanon sa mga arpa!
6
Upod sa mga trumpeta kag mga budyong, maghinugyaw kamo sa atubang sang Ginoo, ang aton hari!
7
Magdaguhob ka, O dagat, kag tanan nga mga tinuga nga yara sa imo; magkanta ka, O duta, kag tanan nga nagaestar sa imo!
8
Magpamalakpak kamo, O mga suba; O kabakuloran, magkanta kamo sing tingob sa kalipay sa atubang sang Ginoo,
9
tungod kay mag-abot sia sa paggahom sa duta! Pagagamhan niya ang tanan nga mga katawhan sang kalibutan suno sa katarungan kag kamatuoran.
Ilonggo Bible 2012
Maayong Balita nga Biblia Philippine Bible Society, 2012
:
Save Notes