×

Bukuit Ne Tilil 2020

TIENWOGIKAL 98

1
Ee, otienji Jehovah tiendo ne leel; Amu kigoyai tuguk che kikwong’e: Kiyachi yetunet inendet eunnyi ne bo tai, eunnyi ne tilil.
2
Kigobarta Jehovah yetunennyi: Kigong’any imandanyi eng’ taitab bororiosiek.
3
Kigobwat rirenennyi ak imandanyi eng’ gotab Israel: Kigogeer tabanwek tugul che bo ng’ony yetunetab Kamuktaindennyo.
4
Otienji Jehovah eng’ kutitab boiboiyet, ng’ony komugul: Ong’eet tiendo, ak otien eng’ boiboiyet, ee, otien kalosunoik.
5
Otienji Jehovah kalosunoik eng’ ketubet; Eng’ ketubet, ak eng’ kutitab kalosunet.
6
Eng’ igondisiek, ak cheetab iriaget Otien eng’ kutitab boiboiyet eng’ taitab laitoriat, Jehovah.
7
Ingomoror nyanjet, ak tuguk che nyiitat oloto; Ng’ony, ak icheget che menyei oloto;
8
Ingoraprab eunekwak ainosiek; Ingotienso tulonok kibagenge eng’ boiboiyet;
9
Eng’ taitab Jehovah, amu nyonei koruokyin ng’ony: Tun iruokyin ng’ony eng’ imanda, Ak koruokyi bik eng’ iman.
Kalenjin Bible 2020
God's word open for all Bible Society of Kenya, 2020
:
Save Notes