×

SEBR SÕNGO 1998

Yɩɩla 98

1
Yɩɩlle. Yɩɩl-y Soaala yɩɩn-paalle tɩ b maana bõn-bãna, b maana raoodo ne b rɩtg kang sõngã.
2
Soaala wilga dũni wã tõre tɩ bãmb la Fãagda, B puka b sõmblema ne bu-zẽmbã.
3
B tẽega b nonglma sẽn ka viigdã, n tẽeg tɩ b pa kãabd a Israyɛl bũmbu n ka pids b sẽn kãab ye. Yaa dũni wã tõre n dɩ kaseto tɩ d Soaalã n sɩd fãag-do.
4
Tẽnga rãmb naag taab n kils Soaala. Tãs-y y yɩɩla, tɩ yʋʋmba maan noogo.
5
Maan-y noog b yĩnga ne ruudga la reem teed a taaba.
6
D kils dĩma, d Soaalã, d kils-b ne tõntõog la bargo.
7
Bɩ mogra ne a pʋgẽ teedã, dũni wã ne a nebã maan noogo.
8
Kʋɩlsa me fõd ne bʋʋre, tɩ tãmsa naag n kaas sũ-noogo.
9
B kaas Wẽnd sẽn wat n na n dɩ naam tẽng zugu. B geta neb yell ne zemsgo, n zãad ãndũni rãmba wa sẽn segde.
Mossi SSDC 1998
SEBR SÕNGO Alliance Biblique du Burkina Faso, 1998
:
Save Notes