×

RUAC KUƆTH IN RƐL RƆ 1998

Diit 98

1
Ki̱etdɛ Kuoth Nhial dit mi pay cak, kɛ ɣöö cɛ ti ga̱ykɛ naath la̱t. Tet cuëëcdɛ kɛnɛ wuɔ̱ɔ̱kdɛ min rɛl rɔ, cikɛ jɛ nöŋ juɔ̱c nath.
2
Kä jɛn Kuoth Nhial cɛ juɔ̱cdɛ kɛ naath nyoth, kä jɛn cɛ cuŋkɛ nyuɔ̱th döör wec muɔ̱ɔ̱n diaal.
3
Kä jɛn cɛ nhökdɛ min thil pek tim kɛnɛ ŋa̱thdɛ min di̱i̱t, kɛ kui̱ thuɔk duëël ji̱ I-thɛ-rɛl. Kɛn pëk ɣɔaa diaal cikɛ juɔ̱c Kuɔthda nɛn.
4
Këtdɛ Kuoth Nhial diit tɛthä lɔaac, yɛn ji̱ wec muɔ̱ɔ̱n, rɔalɛ kɛ diit puɔnyä kä liakɛ jɛ.
5
Ki̱etdɛ Kuoth Nhial diit kɛ thuɔmni, puanyɛ jɛ kɛ thuɔmni kä liakɛ jɛ kɛ diit.
6
Kuɔthɛ jɛ tuŋ kɛnɛ kaaŋ, rɔalɛ kɛ tɛ̈th lɔaac nhiam Kua̱r ni Kuoth Nhial.
7
Kä a yier wuɔ̱w kɛnɛ tin diaal tin te thi̱n, amäni ɣɔw kɛnɛ tin diaal tin cieŋ thi̱n.
8
Kä a kiɛr patkɛ tetkiɛn, kä a pääm kɛ̈tkɛ diit tɛ̈thä lɔaac kɛɛl,
9
nhiam Kuɔth Nhial, kɛ ɣöö bɛ ɣɔw ben luk. Kä jɛn bɛ ɣɔw ben luk kɛ cuɔ̱ɔ̱ŋ, kä bɛ naath ben luk a päär.
Nuer Bible 1998
Nuer Bible Bible Society in South Sudan 1998, 2012
:
Tɔ̱a̱w Notethni̱