Ekitabo Erikwera 2008
|
| 1 |
| Mweshongorere Nyakubaho ekyeshongoro kisya, ahabw'okuba akora eby'okutangaaza. Amaani ge n'obushoboorozi bwe bimuhaisize obusinguzi. |
| 2 |
| Nyakubaho ayorekire amaani ge g'okujuna; yaashuuruurira amahanga okuhikiirira kwe, |
| 3 |
| naijuka rukundo ye etahararuka n'obwesigwa bwe ebi yaagiriire enju ya Isiraeli. Ensi yoona ahu egarukira, yaareebire okujuna kwa Ruhanga waitu! |
| 4 |
| Imwe ab'omu nsi mwena, nimurangaane Nyakubaho, nimumuteerera akaari k'okushemererwa! |
| 5 |
| Mweshongorere Nyakubaho nimumusingiza n'eigobore eriine amaraka agarikujumeererana. |
| 6 |
| Musingize Nyakubaho Omugabe n'amaraka g'amakondere n'ag'enzamba ebirikunihiira! |
| 7 |
| Enyanja ehoorere na byona ebigirimu; ensi hamwe n'abagitwiremu, |
| 8 |
| n'emigyera yoona biteere omu ngaro n'eshonzi zeemurikye nizishemererwa, |
| 9 |
| biri omumaisho ga Nyakubaho! Ahabw'okuba yaija kucwera ensi orubanja omu bwinganisa, aramure amahanga omu mazima. |
| Save Notes |
https://beblia.bible:81/BibleAudio/nyankole/psalms/098.mp3
150
98